Иқдоми «Кишоварз» ба таъмини амнияти озуқавории мамлакат нигаронида шудааст

Июль 21, 2020 15:30

ДУШАНБЕ, 21.07.2020. /АМИТ «Ховар»/. Бонки давлатии амонатгузории  Ҷумҳурии Тоҷикистон «Амонатбонк» дар доираи иқдоми «Кишоварз», ки дар мавсими кишту кори баҳорӣ роҳандозӣ шуда, то 15 июни соли 2020 тамдид гардида буд, ба 3490 нафар муштарӣ- деҳқонону кишоварзони мамлакат 51,9 миллион  сомонӣ қарзҳои имтиёзнок пешниҳод намуд.

Раиси Бонки давлатии  амонатгузории Ҷумҳурии Тоҷикистон «Амонатбонк» Сироҷиддин Икромӣ имрӯз дар нишасти матбуотӣ дар Душанбе ба намояндагони расонаҳои хабарии мамлакат гуфт, ки иқдоми «Кишоварз» бо мақсади рушди соҳаи кишоварзӣ ва саҳмгузорӣ  дар  татбиқи яке аз ҳадафҳои стратегии Ҳукумати Ҷумҳурии Тоҷикистон -таъмини амнияти озуқаворӣ дар мамлакат роҳандозӣ гардид.

Зикр шуд, ки дар ин муддат 3490 нафар муштариён-кишоварзону деҳқонон қарзҳои имтиёзнокро аз 3 то 500 ҳазор сомонӣ   ба муҳлати аз 6 то 36 моҳ таҳти 18 фоизи солона бо пули миллӣ ва асъори хориҷӣ таҳти 10 фоизи солона дастрас намуданд. Раиси «Амонатбонк» дар идома афзуд, ки  бартарияти иқдоми мазкур  он аст, ки  тартиби  пардохти қарз вобаста ба имкониятҳои  истеҳсолии муштариён таҳия шуда, ҳамзамон дар пардохти қарзи асосӣ аз ду то шаш моҳи давраи аввали  гирифтани қарз имтиёз дода мешавад. «Амонатбонк»  аз ҳисоби иқдоми «Кишоварз» ба муштариён – деҳқонону кишоварзони мамлакат барои кишту кор, аз ҷумла, харидории тухмӣ, нуриҳои минералӣ, коркарди замин,  пардохти ҳаққи хизмати кишоварзон, хариди техникаи кишоварзӣ ва сӯзишворӣ қарзҳои имтиёзнок пешниҳод намудааст.

 

Июль 21, 2020 15:30

Хабарҳои дигари ин бахш

Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд