Коронавирус: дар ИМА рекорди нави теъдоди беморон ба қайд гирифта шуд

Июль 13, 2020 11:16

ДУШАНБЕ, 13.07.2020 /АМИТ «Ховар»/. Дар Иёлоти Муттаҳидаи Америка теъдоди ҳолатҳои сироятёбӣ бо коронавирус меафзояд ва дар рӯзҳои истироҳатӣ рекорди нав гузошта шуд. Дар ин миён, ҳазорон тан дар Исроил ба хиёбонҳо бармоада, аз ҳукумат талаби пардохти ҷубронпулӣ мекунанд, хабар медиҳад хабаргузории АБИ «Казинформ» бо истинод ба Би-Би-Сӣ.

Тибқи маълумоти Донишгоҳи Ҷон Ҳопкинс, миқдори мубталоёни COVID-19 дар ҷаҳон қариб ба 13 миллион нафар расидааст ва беш аз 565 ҳазор нафар ҷон бохтаанд.             

Трамп бо ниқоб ва зиддирекорди нав дар ИМА

Президенти ИМА Доналд Трамп бори аввал дар тамоми давраи пандемия дар назди камераҳои наворбардорӣ бо ниқоб зоҳир шуд. Ин амал рӯзи шанбе, вақте ки  дар кишвар зиддирекорди нави ошкорсозии сироятёфтагон — 66 ҳазор гузошта шуд, сурат гирифт.

Трамп рӯзи шанбе озими беморхонаи ҳарбии Уолтер Рид, дар наздикии Вашингтон гардид, то бо сарбозони маҷрӯҳшуда ва кормандони тиббие, ки беморони COVID-19-ро нигоҳубин мекунанд, мулоқот намояд.

«Ман фикр мекунам, ки пӯшидани ниқоб олиҷаноб аст. Ман ҳеҷ гоҳ муқобили ниқобҳо набудам, аммо ман дар ҳақиқат боварӣ дорам, ки ҳама чиз вақт ва ҷои худро дорад» — гуфт ӯ ҳангоми тарк намудани Кохи Сафед.

ВАО хабар медоданд, ки ёварони Трамп борҳо аз президент тақозо карда буданд, ки дар назди одамон ниқоб бипӯшад. Аммо, вай ҳангоми  митингҳо, нишастҳои матбуотӣ ва дигар чорабиниҳои оммавӣ аз пӯшидани ниқоб  даст мекашид. Иёлоти Муттаҳида аз рӯи теъдоди беморон ва фавтидагон — мутаносибан 3 миллион ва 132,3 ҳазор нафар — дар ҷаҳон пештоз аст. Ба ақидаи эпидемиологҳо, ин ба он вобаста аст, ки механизми ягонаи мутақобила бо эпидемия коркард нашудааст. Мақомоти баъзе иёлот дар сатҳи маҳаллӣ кушиш мекунанд, аммо стратегияи сатҳи федеролӣ зарур аст, мегӯянд олимон.

Бо вуҷуди афзоиши шумораи сироятёфтагон, дар Флорида Боғи фароғатии «WALT Disney World» дубора кушода шуд. Меҳмонон бояд ниқоб дошта бошанд ва дигар чораҳои эҳтиётиро риоя намоянд. Чанд ҳафта қабл дар Орландо як теъдод боғҳои фароғатии бо ҳам рақобаткунанда ифтитоҳ ёфта буданд. Дар ин иёлат тақрибан чоряки ҳамаи сироятёфтагон дар ИМА  сабт шудаанд.

Вазъият дар Россия ва Британияи Кабир

Тибқи иттилои ситоди фаврӣ оид ба мубориза бо эпидемия, дар давоми шабонарӯзи сипаришуда дар Россия 6615 нафар одамони гирифтори  коронавирус ошкор ва 130 бемор фавтидааст. Маҷмӯан дар Россия аз оғози тавсеаи вирус 727 ҳазор нафар бемор (ҷои 4-ум дар ҷаҳон) ва 11 355 нафар вафот кардааст.

Донишгоҳи Сеченовский рӯзи якшанбе эълон намуд, ки озмоишҳои клиникии як ваксинаи  зидди коронавирус бо иштироки ихтиёриён анҷом ёфтанд. Дар маҷмӯъ, дар ҷаҳон тақрибан 200 ташкилот ба коркарди ваксина мебошад, айни замон 18 доруи ихтироъшуда дар тани одамон санҷида мешавад.

Дар Британияи Кабир рӯзи шанбе ҳавзҳои шиноварӣ ва театрҳои воқеъ дар ҳавои кушод, инчунин майдонҳои бозии крикет ифтитоҳ ёфтанд. Дар кишвар баҳсҳо дар бораи пӯшидани ҳатмии ниқоб дар ҷойҳои ҷамъиятӣ идома доранд. То ҳол мақомот изҳор доштаанд, ки онҳо ба ақли солими шаҳрвандон такя мекунанд ва нияти нофиз намудани чораҳои ҳатмиро надоранд.

Рӯйдодҳои ҷаҳон

Дар Ҳиндустон хурӯҷи тозаи теъдоди сироятёфтагон — 820 ҳазор нафаранд сабт гардид. Рӯзи якшанбе маълум шуд, ки ҳунарпешаи маъруфи Ҳиндустон Айшвария Рай, шавҳар ва духтараш ба бемории коронавирус мубтало шудаанд.

Ҳиндустон аз рӯи теъдоди беморон (1,8 миллион), пас аз Иёлоти Муттаҳида ва Бразилия дар ҷои сеюм аст ва аз рӯи шумораи фавтидагон дар ҷои ҳаштум қарор дорад.Вазъият дар Амрикои Лотинӣ дар маҷмӯъ вахимтар шуда истодааст. Чор давлати Амрикои Лотин — Бразилия, Перу, Чили ва Мексика дар даҳгонаи кишварҳое, ки дорои нишондиҳандаҳои бадтарини беморшавӣ мебошанд, шомиланд.

Дар Бразилия бозии чемпионати иёлати  Катарина оид ба футбол рӯзи якшанбе, пас аз он ки ташхиси 14 бозигари яке аз дастаҳо натиҷаи мусбат дод, манъ карда шуд. Чемпионат танҳо рӯзи 8-уми июл дубора оғоз гардид.

 

   АКС аз сомонаи АБИ «Казинформ»

Июль 13, 2020 11:16

Хабарҳои дигари ин бахш

15 МАЙ- РӮЗИ ҶАҲОНИИ ИҚЛИМ. Тағйирёбии иқлим аз ҷомеаи ҷаҳон ҳамкории устувор ва дурандешӣ тақозо менамояд
МАВҚЕЪГИРИИ СИЁСӢ ВА АРЗЁБИИ МУШКИЛОТИ ИМРӮЗ. Андешаҳо дар ҳошияи суханронии Президенти Тоҷикистон дар мулоқот бо фаъолону намояндагони ҷомеа ва ходимони дин
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ