Сироҷиддин Муҳриддин: «Зиёда аз 16 ҳазор нафар шаҳрвандони Тоҷикистон ба Ватан баргардонида шуданд»
ДУШАНБЕ, 27.07.2020 /АМИТ «Ховар»/. «Бо дастур ва супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони ҳамагирии COVID-19 16 ҳазору 400 нафар шаҳрвандони Тоҷикистон, ки бо сабаби қатъ шудани парвозҳои байналмилалӣ дар кишварҳои хориҷӣ дармонда буданд, ба Ватан баргардонида шуданд»,- иттилоъ дод имрӯз дар нишасти матбуотӣ Вазири корҳои хориҷии Ҷумҳурии Тоҷикистон Сироҷиддин Муҳриддин.
Сироҷиддин Муҳриддин таъкид намуд, ки Вазорат дар ҷалби ёрии башардӯстонаи байналмилалӣ ва баргардондани шаҳрвандони мо аз хориҷа, ки ба сабаби қатъ шудани парвозҳои байналмилалӣ дар кишварҳои гуногуни хориҷӣ, аз ҷумла Россия, Чин, Украина, Қазоқистон, Ӯзбекистон, Иёлоти Муттаҳидаи Америка, Германия, Ҳиндустон, Туркия, Кувайт, Амороти Муттаҳидаи Арабӣ, Эрон, Покистон ва ғайра дармонда буданд, саҳми босазо гузошт.
«Аз ҷумла, дар ин давра аз 16 ҳазору 400 нафар шаҳрвандони Тоҷикистон 10 ҳазору 623 нафар тариқи роҳҳои ҳавоӣ ва 5 ҳазору 777 нафар тариқи роҳҳои заминӣ ба Ватан оварда шуданд. Инчунин дар ин давра 207 ҷасади шаҳравандони Тоҷикистон барои дафн шудан дар Ватан интиқол дода шуданд», — зикр кард Сироҷиддин Муҳриддин.
Вазири корҳои хориҷии Ҷумҳурии Тоҷикистон зикр намуд, ки дар ин самт корҳо идома дошта, то имрӯз зиёда аз 42 ҳазор шаҳрвандони Тоҷикистон, ки дар кишварҳои хориҷӣ қарор доранд, барои баргаштан ба Ватан тариқи электронӣ ва хаттӣ ба Вазорат ва сафорату консулгариҳои Тоҷикистон муроҷиат намудаанд. Аз ин шумора 41 ҳазор шаҳрвандон бо мақсади аз Россия ба Тоҷикистон баргаштан муроҷиат кардаанд.
Сироҷиддин Муҳриддин таъкид намуд, ки шурӯъ аз 27 июл шумораи хатсайрҳои чартерӣ аз Россия ба Тоҷикистон ҳафтае 14 маротиба ба роҳ монда мешавад, ки метавонанд мушкилоти шаҳрвандонро осон гардонанд.
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Дар шаҳри Берлин муколамаи сиёсӣ байни Тоҷикистон ва Олмон баргузор гардид
Сафири Тоҷикистон бо мудири кулли Вазорати корҳои аврупоӣ ва хориҷии Австрия мулоқот намуд
«ТОҶИКИСТОН — ВАТАНИ АЗИЗИ МАН». Дар ин озмуни ҷумҳуриявӣ киҳо иштирок карда наметавонанд?
Ҳайати Тоҷикистон дар Ҳамоиши ҳамкории кишварҳои Осиёи Марказӣ-Ҷумҳурии Корея дар соҳаи маориф иштирок намуд
