Дар хоҷагиҳои кишоварзии Суғд беш аз 500 ҳазор тонна хошоки дурушт захира шудааст

Август 15, 2020 10:29

ДУШАНБЕ, 15.08.2020. /АМИТ Ховар/. Имрӯзҳо дар хоҷагиҳои кишоварзии вилояти Суғд зимни корҳои саҳроӣ, чун ҷамъоварии ҳосили пухта расида, инчунин ҷамъоварӣ ва захиракунии хӯроки чорво бомаром идома дорад. Кишоварзон дар майдонҳои минтақаҳои вилоят корҳои дарав ва ҷамъоварии хошоки дуруштро пурсамар ба роҳ мондаанд. Дар ин бора аз Сарраёсати идораи кишоварзии вилояти Суғд ба хабарнигори минтақавии АМИТ «Ховар» хабар доданд.

Тибқи дурнамо, соли равон дар хоҷагиҳои кишоварзии вилоят бояд 360 000 тонна хошоки дуруст ҷамъоварӣ гардад. То 11 август дар вилоят 549 617 тонна хошоки дурушт ҷамъоварӣ гардидааст, ки 152,7 фисади нақшаро ташкил медиҳад. Ҳол он ки дар ҳамин давраи соли гузашта 302 891 тонна хошок ҷамъоварӣ гардида буд.

Аз ҷумла, имрӯз дар ин самт хоҷагидорони шаҳри Истаравшан намуна ва пешсаф буда, ба ҷойи 36 ҳазор тоннаи дурнамо 261 ҳазору 150 тонна хошок захира намуданд, ки аз нақша 6 маротиба зиёд мебошад. Инчунин дар ин радиф хоҷагиҳои кишоварзии ноҳияҳои Ҷаббор Расулов нақшаи иҷроро 122,7%, Деваштич 111,2%,  Шаҳристон 103,0% ва Мастчоҳ 102,7 фисад иҷро намудаанд.

Агар чанд ноҳия дар арафаи ба анҷом расонидани корҳои ҷамъоварӣ қарор дошта бошанд, чун Кӯҳистони Мастчоҳ, иҷрои нақша 98,6%, Зафаробод — 87,4%, Конибодом — 84,8%, Панҷакент — 86,6% ва Бобоҷон Ғафуров — 74,5, пас  нишондиҳандаҳо дар шаҳру ноҳияҳои Ашт (дурнамо 17000 – иҷро 7450 ё 43,8%), Спитамен (дурнамо 18000 – иҷро 10610 ё  58,9%), Исфара  (дурнамо 13000 – иҷро 8135 ё 62,6%) ва Айнӣ (дурнамо 6000 – иҷро 4015 ё 66,9%) мебошанд.

Корҳои захираи хошоки дурушт дар хоҷагиҳои ин минтақаҳо вобаста ба обу ҳавои мусоид масъулияти бештар металабад.

Август 15, 2020 10:29

Хабарҳои дигари ин бахш

Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад