Олег Белоконев: «Интихоботи Президент шаффофу рақобатпазир буда, иродаи озодонаи интихобкунандагони Тоҷикистонро ифода намуд»
ДУШАНБЕ, 12.10.2020 /АМИТ«Ховар»/. «Интихоботи Президенти Ҷумҳурии Тоҷикистон, ки 11 октябр баргузор шуд, мутобиқи Конститутсияи Ҷумҳурии Тоҷикистон ва Қонуни конститутсионӣ «Дар бораи интихоботи Президенти Ҷумҳурии Тоҷикистон» доир шуда, ба принсипҳои аз ҷониби умум қабулшуда ва эътирофшудаи баргузории интихоботи демократӣ мувофиқат мекунад. Интихоботи президентӣ шаффофу рақобатнок буда, иродаи озодонаи интихобкунандагони Тоҷикистонро ифода намуд», — гуфт имрӯз зимни нишасти матбуотии намояндагони Миссияи мушоҳидон аз кишварҳои аъзои Иттиҳоди Давлатҳои Мустақил (ИДМ), Раиси Комиссияи доимии Палатаи намояндагони Маҷлиси Миллии Ҷумҳурии Беларус оид ба амнияти миллӣ, Раиси Комиссияи Ассамблеяи Парлумонии Иттиҳоди Беларус ва Россия оид ба амният, мудофиа ва мубориза бо ҷинояткорӣ Олег Белоконев.
Ба гуфтаи намояндагони Миссияи мушоҳидон аз кишварҳои аъзои ИДМ, овоздиҳӣ дар интихоботи президентии Тоҷикистон дар фазои ором ва бо иштироки фаъоли интихобкунандагон гузашт.Тавре Олег Белоконев зимни нишасти хабарӣ гуфт, дар рӯзи интихобот намояндагони Миссияи мушоҳидони ИДМ аз 487 участкаи интихоботӣ дидан карданд.Гуфта шуд, ки намояндагони Миссия ҳангоми ҳисобкунии овозҳо низ ҳузур доштанд. Тамоми расмиёт тибқи қонунҳо амалӣ карда мешуд.
«Нозирони Иттиҳод ягон қонуншикание сабт накардаанд, ки ба натиҷаҳои интихобот таъсир расонад. Намояндагӣ чунин мешуморад, ки комиссияҳои интихоботии ҳама сатҳҳо бо кумаки мақомот баргузории интихоботро дар сатҳи баланди касбии ташкилӣ таъмин намуданд», — зикр гардид имрӯз зимни нишасти матбуотӣ аз ҷониби намояндагони Миссияи мушоҳидон аз кишварҳои аъзои Иттиҳоди Давлатҳои Мустақил.
Ба гуфтаи Олег Белоконев, ситоди Миссия иттилоотро дар бораи қабули шикоятҳо ва изҳорот вобаста ба вайронкунии қонун баррасӣ кардааст. Тибқи маълумоти пешниҳодкардаи Комиссияи марказии интихобот ва раъйпурсии Тоҷикистон, то 10 октябр ба он 2 муроҷиатнома ворид шудааст, ки ба изҳоркунандагони он тавзеҳи зарурӣ дода шудааст.
«Дар давраи омодагӣ ба интихоботи президентии Ҷумҳурии Тоҷикистон ба мақормоти Прокуратура аз номи ҳизбҳои сиёсӣ, ташкилоти ҷамъиятӣ ва шаҳрвандон ягон шикоят ё изҳорот нарасидааст. Тибқи иттилои ВКД, мақомоти корҳои дохилӣ ягон қонуншикании марбут ба маъракаи интихоботро ба қайд нагирифтаанд. Ғайр аз ин, тибқи маълумоти Суди Олии ҷумҳурӣ, ҳеҷ шикояте дар робита ба интихоботи президентӣ вуҷуд надорад», — гуфт Олег Белоконев.
Ёдовар мешавем, ки дар ҳайати Миссия 98 нафар мушоҳидон аз Ҷумҳурии Озарбойҷон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Ҷумҳурии Молдова, Федератсияи Россия, Ҷумҳурии Ӯзбекистон, Ассамблеяи байнипарлумонии давлатҳои аъзои ИДМ, Ассамблеяи Парлумонии Иттифоқи Беларус ва Россия, инчунин Кумитаи Иҷроияи ИДМ аккредитатсия шуда буданд. Дар байни онҳо вакилони парлумонҳои миллӣ, намояндагони корпуси дипломатӣ ва комиссияҳои интихоботии кишварҳои узви Иттиҳод ҳастанд.
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Эмомалӣ Раҳмон: «Ватанамонро соҳибӣ мекунем, обод мекунем ва намегузорем, ки халқамон дастнигари дигарон шавад»
ИҚТИСОДИ «САБЗ». Намояндаи Ироқ Ҳотам Ҳусейн: «Шумораи зиёди электромобилҳо дар Душанбе аз тадбирҳои тоза нигоҳ доштани муҳити зист дарак медиҳад»
«ТОҶИКИСТОНРО ЧУН БИҲИШТИ РӮИ ЗАМИН ДАРЁФТЕМ». Бардошти меҳмонон пас аз шиносоӣ бо сохтмони Неругоҳи барқи обии «Роғун»
Эмомалӣ Раҳмон: «Иди Қурбон тӯй ё маросиме нест, ки боиси вазнин шудани вазъи молии инсон ва аъзои оилаи вай гардад»
РАВАНДИ ОБИ ДУШАНБЕ. Рен Чинг Чун: «Иқдоми ҷаҳонии Тоҷикистонро дар масъалаи обу иқлим ва ҳифзи пиряхҳо ҷонибдорӣ менамоем»
