Оғози татбиқи дуюми лоиҳаи муштараки грантии Иттиҳоди Аврупо дар самти баланд бардоштани самаранокии неруи барқ
ДУШАНБЕ, 17.10.2020. /АМИТ «Ховар»/. Бо мақсади ифтитоҳи марҳилаи аввали татбиқи дуюми лоиҳаи муштараки грантии Иттиҳоди Аврупо дар самти баланд бардоштани самаранокии неруи барқ ва гузаштан ба неруи барқи таҷдидшаванда дирӯз бо иштироки намояндагони мақомоти давлатии салоҳиятдори соҳаи сайёҳӣ ва Ассотсиатсияҳои дар ҷомеа асосёфтаи ҷумҳуриҳои Тоҷикистон, Ӯзбекистон ва Қирғизистон видеоконфронс баргузор гардид. Дар ин бора ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Дар видеоконфронс ба таври фосилавӣ Ҷумҳурии Тоҷикистонро масъулини Кумитаи рушди сайёҳии назди Ҳукумати Ҷумҳурии Тоҷикистон, шарикони татбиқкунандаи лоиҳа – Маркази Тоҷикистон ва Норвегия оид ба рушди устувор (Tajnor consulting) ва Ассотсиатсияи ташкилоти хурди молиявии Тоҷикистон (АМФОТ) намояндагӣ карданд.
Намояндаи Кумитаи рушди сайёҳӣ изҳор дошт, ки рушди технологияи неруи барқи таҷдидшаванда самаранокии истифодаи неруи барқро боло бурда, ҳаҷми партовҳои газҳои гулхонаиро дар муҳити зист коҳиш медиҳад.
Гузаштан ба неруи барқи таҷдидшаванда дар покиза нигоҳ доштани табиат нақши барҷаста дошта, барои рушди босуботи саёҳати экологӣ дар минтақа мусоидат менамояд.
Тавре зикр гардид, дастгирии Ҳукумати Ҷумҳурии Тоҷикистон аз амалишавии чунин лоиҳаҳои ба рушди сайёҳӣ нигаронидашуда дар давраи эълон гардидани Солҳои рушди деҳот, сайёҳӣ ва ҳунарҳои мардумӣ саривақтӣ буда, бори дигар аз таваҷҷуҳи хоссаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди сайёҳии мамлакат шаҳодат медиҳад.
Дар шароити ҳукмронии буҳрони коронавирус ҷалби сармояи хориҷӣ ба соҳаи сайёҳии мамлакат, хусусан дар самти рушди инфрасохтори неруи барқи таҷдидшавандаи аз ҷиҳати экологӣ бехатар дар водии Зарафшон, шаҳру ноҳияҳои тобеи ҷумҳурӣ, Вилояти Мухтори Кӯҳистони Бадахшон ва дигар минтақаҳои дурдасти кӯҳистон бисёр муҳим буда, амалӣ намудани онҳо ба беҳтарсозии шароити иншооти сайёҳӣ мусоидат менамояд.
Мавриди ёдоварист, ки як моҳ қабл марҳилаи аввали татбиқи якуми лоиҳаи муштараки грантии Иттиҳоди Аврупо дар самти пайваст намудани бахши сайёҳии дар ҷомеа асосёфтаи Осиёи Марказӣ ба бозори Аврупо дар доираи ташаббусҳои Роҳи Абрешим оғоз гардида буд.
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
