Вазири нақлиёти Тоҷикистон Азим Иброҳим раиси Комиссияи миллии ТРАСЕКА таъйин шуд
ДУШАНБЕ, 21.10.2020. /АМИТ «Ховар»/. Вазири нақлиёти Ҷумҳурии Тоҷикистон Азим Иброҳим ҳамзамон раиси Комиссияи миллии Тоҷикистон дар Долони байналмилалии нақлиётии Аврупо – Осиё – Қафқоз, Қафқоз — Осиё – (ТРАСЕКА) таъйин гардид. Дар ин бора хабарнигори АМИТ «Ховар» бо истинод ба маркази матбуоти Вазорати нақлиёти мамлакат иттилоъ медиҳад.
Номзадии Вазири нақлиёт ба ҳайси раиси Комиссияи миллии Тоҷикистон дар ТРАСЕКА бо дарназардошти тағйироти кадрӣ дар Вазорати нақлиёт аз ҷониби Сарвазири мамлакат Қоҳир Расулзода пешниҳод гардида, аз тарафи Президенти Ҷумҳурии Тоҷикистон муҳтарам Эмомалӣ Раҳмон ин пешниҳод ҷонибдорӣ ёфт.
ТРАСЕКА (ТRACECA – Transport Corridor Europe Caucasus Asia) — ин ягона лоиҳаи долони нақлиётии АвруОсиёӣ дар самти Ғарб-Шарқ аз Аврупо буда, бо убур аз баҳри Сиёҳ, тавассути Қафқоз ва баҳри Каспий ба Осиёи Марказӣ ворид мешавад. Ин лоиҳа аз ҷониби сохторҳои байналмилалӣ, пеш аз ҳама, Иттиҳоди Аврупо дастгирии назарраси молиявӣ, ташкилӣ ва техникӣ ёфтааст.
Барномаи ТРАСЕКА соли 1993 дар асоси Эъломияи Брюссел бо иштироки Арманистон, Озарбойҷон, Гурҷистон, Қазоқистон, Қирғизистон, Тоҷикистон, Туркманистон ва Ӯзбекистон таъсис дода шуд ва дере нагузашта, Молдова, Муғулистон ва Украина шомил шуданд. Соли 2000 — Туркия, Руминияву Булғористон ва соли 2009 — Эрон ба ин барнома ҳамроҳ шуданд.
Ҳар яке аз ин кишварҳо “Котиби миллии ТРАСЕКА» ва инчунин «Комиссияи миллии ТРАСЕКА» -и худро доранд, ки онро одатан роҳбари яке аз вазоратҳои соҳавӣ ё муовини сарвазири кишвар роҳбарӣ мекунад.
Ҳадафи Барномаи ТРАСЕКА- ин кумак ба кишварҳои тозаистиқлоли Қафқози Ҷанубӣ ва Осиёи Марказӣ дар барқарорсозии инфрасохтори нақлиётӣ, ташкили долони кӯтоҳтарини нақлиётӣ, ки Аврупо ва Осиёро пайваста, ҳамгироии минтақаро бо Ғарб таъмин месозад, инчунин бунёди системаи боэътимоди нақлиётӣ, ки ба татбиқи барномаҳои Иттиҳоди Аврупо барои барқарор ва рушди иқтисодиёти ин давлатҳо равона шудаанд, мебошад.
Ёдовар мешавем, ки барнома аз ҷониби Иттиҳоди Аврупо маблағгузорӣ карда мешавад.
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
