«ММК Агро»-и ноҳияи Бобоҷон Ғафуров масоҳати гармхонаи инноватсиониро ба 10 гектар мерасонад
ДУШАНБЕ, 7.01.2021 /АМИТ «Ховар»/. Дар ду гектар замини гармхонаи замонавии ҶДММ «ММК Агро» парвариши помидору бодиринг ва қаламфури булғорӣ ба роҳ монда шуда, 25 нафар бо кор таъмин гардидаанд. Муассисони гармхона иброз доштанд, ки марҳила ба марҳила масоҳати гармхонаи инноватсиониро ба 10 гектар мерасонанд.
Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.
Раиси вилоят Раҷаббой Аҳмадзода 6 январ аз ҶДММ «ММК Агро», воқеъ дар ноҳияи Бобоҷон Ғафуров боздид намуда, бо фаъолияти гармхонаи мазкур шинос гардид.
Гармхонаи замонавӣ моҳи марти соли 2020 бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор гирифта буд. Гармхона ба ду қисм — гидропоникӣ ва органикӣ ҷудо гардида, тамоми таҷҳизоти он аз Кореяи Ҷанубӣ ворид карда шудааст.
Раиси вилоят зимни шиносоӣ таъкид кард, ки фаъолияти чунин гармхонаҳои инноватсионӣ барои таъмини бозори дохилӣ бо маҳсулоти тару тоза мусоидат намуда, барои муътадил нигоҳ доштани нархи маҳсулот таъсири мусбат мерасонанд.
Ёдовар бояд шуд, ки соли 2020 дар вилоят 456 гармхона фаъолият намуда, дар 287 гармхона парвариши сабзавот ва дар 169 гармхона парвариши лимӯ ва гулҳо ба роҳ монда шудааст.
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Дар Хоруғ корхонаи истеҳсоли макарон бунёд карда мешавад
Дар Тоҷикистон лоиҳаи «Стратегияи миллии ҳифзи гуногунии биологӣ» таҳия карда мешавад
Байни Тоҷикистон ва Беларус оид ба ҳамкории тиҷоратию иқтисодӣ даҳ санади ҳамкорӣ ба имзо расид
Татбиқи тарҳи «Тақвияти бахши молиявӣ дар Тоҷикистон» баррасӣ гардид
