СУТ аз пайомадҳои дастрасии нобаробар ба ваксинаи коронавирус огоҳ мекунад
ДУШАНБЕ, 19.01.2021 /АМИТ «Ховар»/. Дастрасии нобаробар ба ваксинаҳои зидди коронавируси COVID-19 дар байни кишварҳои дорои сатҳи баланд ва пасти даромад кӯшишҳоро дар самти мубориза бо пандемия бар бод медиҳад. Тавре АМИТ «Ховар» бо истинод ба Хадамоти ахбори СММ хабар дод, ин андешаро Директори генералии Созмони умумиҷаҳонии тандурустӣ (СУТ) Тедрос Адханом Гебрейесус 18 январ дар иҷлосияи Шӯрои иҷроияи СУТ баён кард.
Ба гуфтаи ӯ, ҷаҳон бо хатари воқеии ин рӯ ба рӯ мешавад, ки ваксинаҳо «санги дигаре дар девори нобаробарӣ байни дороҳо ва нодорҳои ҷаҳон» мешаванд.
Гебрейесус мӯътақид аст, ки тасмими кишварҳо дар мавриди дар қадами аввал эм намудани кормандони соҳаи тандурустӣ ва пиронсолон — дуруст аст. Аммо, иштибоҳ дар ин аст, ки одамони ҷавон ва солим дар кишварҳои сарватманд нисбат ба духтурон ва одамони калонсоли кишварҳои камбизоат пештар бо ваксинаи зидди коронавирус эм карда мешаванд.
То имрӯз «зиёда аз 39 миллион вояи ваксина ба сокинони ҳадди аққал 49 кишвари дорои сатҳи баланди даромад гузаронида шудааст» ва ин дар ҳолест, ки «танҳо яке аз кишварҳои дорои сатҳи камтарини даромад 25 воя гирифтааст». «На 25 миллион, на 25 ҳазор, балки ҳамагӣ 25-то», — гуфт Гебрейесус.
Роҳбари СУТ илова кард, ки ҷаҳон «дар лаби ҷарии фалокатбори суқути ахлоқӣ қарор дорад», ки қимати он ҷонҳои инсонӣ хоҳад буд.
Қаблан, СУТ бо дарназардошти раванди паҳншавии уфунат эҳтимоли душвортар омадани соли дуюми пандемияро нисбат ба соли аввали он истисно накарда буд ва пешгӯӣ намуда буд, ки шумораи фавтидагон аз коронавирус метавонад дар як ҳафта ба 100 ҳазор тан бирасад.
11 январ хабар дода шуд, ки зиёда аз 40 кишвар эмгузарониро шурӯъ намудаанд.
АКС аз Youtube.com
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
