Агентии «Тоҷикстандарт»: воридоти маҳсулоти ғайристандартӣ ба Тоҷикистон коҳиш ёфтааст
ДУШАНБЕ, 08.02.2021 /АМИТ «Ховар»/. Мақомоти «Тоҷикстандарт»-и Тоҷикистон аз коҳиш ёфтани воридоти маҳсулоти ғайристандартӣ ба қаламрави мамлакат дар соли гузашта хабар медиҳад.
Дар нишасти матбуотӣ, ки имрӯз дар Душанбе доир гардид, директори Агентии «Тоҷикстандарт» Темурҷон Абдулваҳобзода зимни натиҷагирӣ аз фаъолияти мақомоти «Тоҷикстандарт» дар соли сипаригардида зикр намуд, ки дар натиҷаи гузаронидани назорати давлатӣ дар соли 2020 2 миллиону 355 ҳазору 256 кг маҳсулоти ғизоии гуногуни пастсифат ба қайд гирифта шуда, ки 1 миллиону 708 ҳазору 932 кг аз ҷиҳати бехатарӣ ва 646 ҳазору 324 кг аз рӯи тамғагузорӣ ба талабот ҷавобгӯ набуданд. Аз ин рӯ нисбат ба воридкунандагону истеҳсолкунандагон тибқи тартиби муқарраргардида тадбирҳои маъмурӣ андешида шудаанд.
Ҳамзамон дар озмоишгоҳҳои ташхисии маҳсулоти ғизоии Агентии «Тоҷикстандарт» аз рӯи сифату бехатарӣ ва тамғагузорӣ беш аз 450 ҳазор кг маҳсулоти гӯштӣ, 160 ҳазору 681 кг равғани растанӣ, беш аз 22 ҳазор литр нӯшокиҳои спиртӣ, 26151 литр нӯшокиҳои ташнагишикан, қариб 45 ҳазор кг маҳсулоти қаннодӣ, зиёда аз 8,4 ҳазор кг маҳсулоти ширӣ, 141 ҳазору 225 кг чой, какао, қаҳва, зиёда аз 10 ҳазор кг иловагиҳои ғизоӣ, қариб 180 ҳазор кг намак, 38 ҳазор кг консерваҳо, 1033 кг қанду набот, 2738 кг маҳсулоти макаронӣ, 7872 кг орди гандумӣ, 103 840 дона қандакҳои чинӣ, 45072 дона тухми мурғ ва дигар маҳсулот ғайристандартӣ дониста шудаанд. Таъкид гардид, ки қисмати бештари маҳсулоти ғайристандартӣ арзёбӣ гардида маҳсулоти воридотӣ маҳсуб мешаванд.
Зикр шуд, ки дар самти назорати бозори истеъмолӣ дар ин давра фаъолият тақвият дода шуда, дар асоси талаботи Қонуни Ҷумҳурии Тоҷикистон «Дар бораи санҷиши фаъолияти субъектҳои хоҷагидор» бо мақсади таъмини риояи ҳуқуқҳои истеъмолкунандагон ва ҳимояи бозори истеъмолӣ аз воридшавии маҳсулоти пастсифат аз тарафи нозироти савдо дар ҷумҳурӣ дар маҷмӯъ 6853 субъекти хоҷагидор санҷиш ва аз назорати қоидаҳои савдо гузаронида шудааст.
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
