Кишоварзони ноҳияи Лахш имсол барои кишт қариб 12 ҳазор тонна картошкаи тухмии навъҳои маҳаллӣ захира намудаанд
ЛАХШ, 08.02.2021 /АМИТ «Ховар»/. Барои дар сатҳи баланд таҷлил намудани ҷашни бузурги 30- солагии Истиқлоли давлатии Ҷумҳурии Тоҷикистон дар ноҳияи Лахш бунёди 221 иншооти дорои аҳамияти гуногун ба нақша гирифта шудааст. То соли сипаригардида 150 иншооти гуногун мавриди баҳрабардорӣ қарор дода шуда, боқимонда соли 2021 ба истифода дода мешаванд. Ин матлабро раиси ноҳияи Лахш Файзулло Баротзода зимни нишасти матбуотӣ баён дошт.
Тавре мухбири минтақавии АМИТ «Ховар» Субҳониддини Маҳмуд иттилоъ медиҳад, зимни нишасти матбуотӣ дар ноҳияи Лахш зикр шуд, ки соли 2020 картошкапарварони ноҳия 101 741 тонна картошкаи хушсифат ҷамъоварӣ намуданд, ки нисбат ба соли 2019 1730 тонна зиёд ҷамъоварӣ шудааст. Ҳосилнокии картошка аз ҳар гектар 180-сентнериро ташкил намудааст. Кишоварзони ноҳия барои кишти картошка дар соли 2021 11 ҳазору 890 тонна картошкаи тухмии навъҳои маҳаллӣ захира намудаанд. Инчунин дар ин давом аз ноҳияи Лахш ба навоҳии ҷумҳурӣ 76 641 тонна картошка содир шуда, имрӯзҳо содироти он идома дорад.
Боғпарварони ноҳияи Лахш соли 2020 6063,5 тонна мева ҷамъоварӣ намуданд, ки дар муқоиса бо соли 2019 7,8 тонна зиёд мебошад.
Дар нишасти матбуотӣ зикр шуд, ки сокинони ноҳияи Лахш баҳри созандагию бунёдкорӣ кӯшиш намуда, ба ҷойи гузаронидани маъракаҳои ҳафту чилу солу дигар маросим бо кумаки техникии ҳукумати ноҳия, ҳашарҳои умумии сокинони деҳаҳо ва саҳми саховаткунандагон 146 километр роҳҳои маҳаллиро ҳамвор карданд, ки ин амал минбаъд низ идома меёбад.
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
