ДАРАХТ БИНШОН! Дар шафати шоҳроҳи байналмилалии Душанбе-Чанок 2000 бех ниҳоли сада шинонида шуд
![](https://khovar.tj/wp-content/uploads/2019/02/daraht.jpg)
ДУШАНБЕ, 14.03.2021 /АМИТ «Ховар»/. Кормандону масъулини хоҷагии ҷангали шаҳри Истаравшан дар шафати шоҳроҳи байналмилалии Душанбе-Чаноқи минтақаи шаҳри Истаравшан беш аз 2000 бех ниҳоли сада шинониданд.
Ин тадбир дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба таҷлили сазовори 30 — солагии Истиқлоли давлатии Ҷумҳурии Тоҷикистон ва сабзу хуррам гардонидани гӯшаю канори мамлакат сурат гирифтааст.
Тибқи маълумоти мақомоти иҷроияи ҳокимияти давлатии шаҳри Истаравшан, аз оғози мавсими ниҳолшинонӣ дар ҳудуди шаҳр беш аз 6300 адад ниҳолҳои ҳамешасабз, ороишӣ ва сояафкан шинонида шудаанд.