Аз Чин ба Тоҷикистон 150 ҳазор воя ваксинаи «CoronaVac» ворид карда мешавад
ДУШАНБЕ, 20.04.2021 /АМИТ «Ховар»/. Дар доираи ҳамкории дуҷонибаи Ҷумҳурии Тоҷикистон ва Ҷумҳурии Мардумии Чин дар назар аст, ки 150 ҳазор воя ваксинаи «CoronaVac»-и Чин ба ҷумҳурӣ ворид карда шавад. Дар ин бора сардори Раёсати амнияти санитарӣ-эпидемиологии ҳолатҳои фавқулода ва кумаки фаврию тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷаъфаров ба АМИТ «Ховар» иттилоъ дод.
Ба зикри мавсуф, иқдоми мазкур аз ҷониби роҳбарияти Ҷумҳурии Мардумии Чин ва Ҷумҳурии Тоҷикистон гирифта шуда, пас аз омода шудани ваксинаҳо он ба Тоҷикистон интиқол дода мешавад.
Бояд гуфт, ки 8 марти соли 2021 дар чаҳорчӯби механизми Созмони Умумиҷаҳонии Тандурустӣ (COVAX) қисми якуми ваксинаи «AstraZeneca» (Бритонияи Кабир, Кореяи Ҷанубӣ, Ҳиндустон) дар ҳаҷми 192 ҳазор воя тавассути парвози махсуси Сомон-Эйр аз Деҳлӣ ба Душанбе интиқол дода шуд. Бо мақсади таъмин намудани амнияти санитариву эпидемиологии аҳолии мамлакат, пешгирии паҳншавии сирояти нави коронавирус дар саросари ҷумҳурӣ 22 марти соли 2021 Қарори Ҳукумати Ҷумҳурии Тоҷикистон «Дар бораи гузаронидани иммунизатсия бар зидди бемории сироятии COVID-19 дар Ҷумҳурии Тоҷикистон» тасдиқ гардид ва шурӯъ аз 23 марти соли равон иммунизатсия зидди сирояти бемории коронавирус байни кормандони тиббии шаҳри Душанбе оғоз шуд.
-То имрӯз 36 ҳазору 190 нафар кормандони соҳаи тандурустӣ, кормандони Раёсати тиббии Вазорати корҳои дохилии Ҷумҳурии Тоҷикистон, Фурудгоҳи байналмилалии Душанбе, Кумитаи давлатии амнияти миллии Ҷумҳурии Тоҷикистон, омӯзгорон ва донишҷӯён ба иммунизатсия фаро гирифта шуданд,- гуфт Наврӯз Ҷаъфаров.
Ба гуфтаи мавсуф, инчунин дар назар аст, ки ваксинаи «Спутник V» – и Россия ба Тоҷикистон ворид карда шавад. Тибқи нақша, 6 миллиону 714 ҳазор нафар аҳолии мамлакат бояд бо ваксина фаро гирифта шаванд.
АКС: br.vida-estilo.yahoo.com
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
