Таъсиси платформаи савдои электронӣ зимни мулоқоти Завқӣ Завқизода ва Моҳд Абдул Карим баррасӣ шуд

Апрель 14, 2021 09:40

ДУШАНБЕ, 14.04.2021 /АМИТ «Ховар»/. Имконияти таъсиси платформаи савдои электронӣ ва маркази логистикӣ барои содироти молу маҳсулот дар минтақаҳои озоди иқтисодии Тоҷикистон  дар  мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода бо Президенти ширкати «Serba Dinamik Holding Berhad»-и Малайзия Моҳд Абдул Карим бин Абдуллоҳ дар Душанбе баррасӣ гардид. Дар ин бора аз   Вазорати рушди иқтисод ва савдои Ҷумҳурии Тоҷикистон ба АМИТ «Ховар» хабар доданд.

Завқӣ Завқизода зикр кард, ки бо ташаббуси бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Портали савдои Тоҷикистон таъсис дода шуда, то имрӯз зиёда аз 100 ҳазор истифодабарандагон аз 40 кишвари ҷаҳон аз он баҳра мебаранд. Вазири рушди иқтисод ва савдо пешниҳод намуд, ки имконияти ҳамгироии ин ду платформаи савдои электронӣ дар оянда баррасӣ карда шавад.

Ширкати «Serba Dinamik Holding Berhad»-и Малайзия яке аз ширкатҳои бонуфузи ин кишвар маҳсуб ёфта, алҳол дар 25 кишвари ҷаҳон фаъолияти худро дар самтҳои технологияи иттилоотӣ, неругоҳҳои барқӣ ва иқтисоди рақамӣ роҳандозӣ намудааст.

Дар иртибот ба ин ҷониби Тоҷикистон ба роҳ мондани ҳамкориро дар самти таъсиси корхонаҳои муштараки соҳаи технологияҳои иттилоотӣ дар ҳудуди минтақаҳои озоди иқтисодии мамлакат  пешниҳод намуд.

Дар анҷоми вохӯрӣ ҷонибҳо омодагии худро ҷиҳати ба роҳ мондани ҳамкории судманд изҳор намуданд.

 

Акс аз Вазорати рушди иқтисод ва савдои ҷумҳурӣ.

Апрель 14, 2021 09:40

Хабарҳои дигари ин бахш

Доир ба мушкилот ва дурнамои сайёҳӣ дар Тоҷикистон ҳамоиш доир гардид
ҶОИ ДУЮМ ДАР ИДМ ВА ҶОИ ҲАШТУМ ДАР ҶАҲОН. Ҳукумати Тоҷикистон азм дорад иқтидори энергетикии кишварро ба 10 ҳазор МВт расонад
Ҷаласаи Комиссияи доимамалкунандаи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда доир шуд
АЗ ҲАМА БЕШТАР МОЛҲОИ ТОҶИКИСТОНРО ШВЕЙТСАРИЯ МЕХАРАД. 5 кишвари асосии шарики содиротии Тоҷикистон номбар шуданд
Дар Вазорати рушди иқтисод ва савдо оид ба шарҳи ҷанбаҳои иқтисодии Паёми Пешвои миллат ҳамоиш доир шуд
Тоҷикистон соли 2022 ба системаи ягонаи энергетикии Осиёи Марказӣ дохил хоҳад шуд
Зиёд намудани музди меҳнат — сарчашмаи асосии баланд бардоштани сатҳи некӯаҳволии аҳолӣ мебошад
Миёни Кумитаи рушди сайёҳӣ ва Ассотсиатсияи туризми дар ҷомеа асосёфта Ёддошти тафоҳум ба имзо расид
БМТ: Рушди ҳисоббаробаркунии ғайринақдӣ тақозои замон аст
Далер Ҷумъа дар нишасти Шӯрои энергетикии барқи ИДМ ширкат намуд
Соли 2022 ба Тоҷикистон аз Русия чӣ миқдор нафту газ ворид мешавад
Дар Вазорати рушди иқтисод ва савдо масъалаи содагардонии расмиёти савдо баррасӣ шуд