Вазирони корҳои хориҷии Тоҷикистон ва Қирғизистон вазъи минтақаҳои наздисарҳадиро баррасӣ намуданд
ДУШАНБЕ, 30.04.2021 /АМИТ «Ховар»/. 29 апрели 2021 бо ташаббуси ҷониби Қирғизистон Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Қирғизистон Руслан Казакбоев суҳбати телефонӣ анҷом дод. Вазирони корҳои хориҷӣ вазъияти душвореро, ки 28-29 апрели 2021 дар минтақаҳои наздисарҳадии ду кишвар ба вуҷуд омад, муфассал баррасӣ карданд.
Роҳбари мақомоти сиёсати хориҷии Тоҷикистон зикр кард, ки густариши муносибатҳо бо ҳамсоягон дар минтақа, ки Тоҷикистонро бо онҳо робитаҳои чандинасраи дӯстӣ ва ҳамсоягии нек мепайванданд, самти авлавиятноки сиёсати хориҷии кишвар мебошад.
С.Муҳриддин таъкид намуд, ки Тоҷикистон азми қавӣ дорад, ки аз тириқи музокирот роҳҳои ҳалли қобили қабули мутақобил ва бо дарназардошти манфиатҳои миллии худро ҷустуҷӯ кунад ва масъалаҳои марбут ба делимитатсия ва демаркатсияи сарҳади давлатӣ бо Қирғизистонро тадриҷан ҳал кунад. Ҳамзамон ӯ таъкид намуд, ки Тоҷикистон ҳаргиз аз заминҳое, ки аслан ва қонунан ба он тааллуқ доранд, даст нахоҳад кашид.
Дар суҳбат вазирон бар аҳаммияти ҳалли масъалаҳои марзи давлатӣ танҳо аз тариқи гуфтушунидҳо таъкид карда, ғайри қобили қабул будани кӯшишҳои иғвоангезии тарафҳои алоҳидаи манфиатдорро, ки боиси бештар шиддатёфтани вазъият мегарданд, қайд карданд.
Вазирон таъкид карданд, ки адами эътимод дар минтақаҳои наздимарзӣ метавонад ҳодисаҳои навро ба вуҷуд орад ва оқибатҳои ҷиддӣ, аз ҷумла талафот дар байни аҳолии ғайринизомии ду давлати ҳамсояро ба бор орад.
Вазирони корҳои хориҷӣ ба мувофиқа расиданд, ки дар ҳалли масъалаҳои мураккаби сарҳади давлатӣ бояд иродаи қавии сиёсӣ зоҳир гардад.
Дар Ал-Кувайт масъалаи омодагӣ ба Конфронси байналмилалӣ оид ба мубориза бар зидди терроризм «Марҳилаи кувайтии Раванди Душанбе» баррасӣ шуд
Дар Душанбе машваратҳои сиёсӣ байни Тоҷикистон ва Гана баргузор гардиданд
Дар Душанбе ҳамкории Тоҷикистон бо Созмони амният ва ҳамкорӣ дар Аврупо баррасӣ гардид
Дар Ню-Йорк масъалаи татбиқи ташаббуси навбатии Президенти Тоҷикистон оид ба нақши зеҳни сунъӣ баррасӣ шуд
Намояндаи Тоҷикистон дар ҷаласаи навбатии Шурои генералии Созмони умумиҷаҳонии савдо иштирок намуд
Тоҷикистон ва Амрико масоили мубрами муносибатҳои дуҷонибаро матраҳ намуданд
Сарвазири Ҷумҳурии Тоҷикистон Қоҳир Расулзода дар ҷаласаи 23-юми Шурои сарони ҳукуматҳо-сарвазирони давлатҳои аъзои Созмони ҳамкории Шанхай иштирок намуд
Фонди кувайтии рушди иқтисодиёти араб дар маблағгузории лоиҳаҳои муҳимми Тоҷикистон саҳм мегузорад
Дар Душанбе ҳамкорӣ байни Тоҷикистон ва Қазоқистон дар доираи созмонҳои минтақавию байналмилалӣ баррасӣ гардид
Дурнамои таҳкими равобит байни Тоҷикистон ва Кувайт дар соҳаҳои сиёсиву тиҷоратӣ баррасӣ шуд
Сарвазири Ҷумҳурии Тоҷикистон Қоҳир Расулзода бо Шаҳбоз Шариф ва Ли Тсян мулоқот намуд
Тавсеаи ҳамкории Тоҷикистон ва Кувайт дар соҳаи телевизион ва фарҳанг баррасӣ гардид
