Ғолибони озмуни ҷумҳуриявӣ бе озмун ва ройгон ба муассисаҳои таҳсилоти миёна ва олии Тоҷикистон қабул шуданд
ДУШАНБЕ, 04.08.2021 /АМИТ «Ховар»/. Хатмкардаи мактаби миёнаи рақами 28-и деҳаи Сории шаҳри Панҷакент, барандаи Шоҳҷоизаи Озмуни ҷумҳуриявии «Фурӯғи субҳи доноӣ китоб аст» Раъно Насриддинова бе озмун, ройгон ва бо тавсияномаи Вазири маориф ва илми мамлакат ба шуъбаи рӯзонаи факултети филологияи Донишгоҳи миллии Тоҷикистон қабул гардид.
Тавре аз Донишгоҳи миллии Тоҷикистон ба хабарнигори АМИТ «Ховар» иттилоъ доданд, дар Низомномаи Озмуни ҷумҳуриявии «Фурӯғи субҳи доноӣ китоб аст» омадааст, ки ғолибони даври чорум- ҷойҳои 1, 2, 3 ва барандаи Шоҳҷоиза баъди хатми муассисаи таҳсилоти миёнаи умумӣ, миёна ва олии касбӣ бо ихтисоси интихобкардаашон бе озмун ва ройгон ба муассисаҳои таҳсилоти миёна ва олии касбии мамлакат қабул карда мешаванд.
Барандаи Шоҳҷоизаи Озмуни ҷумҳуриявии «Фурӯғи субҳи доноӣ китоб аст» дар суҳбат бо хабарнигори АМИТ «Ховар» иброз намуд, ки «баъди як моҳ сазовори номи пуршарафи донишҷӯ мегардам. Шарафманд аз онам, ки ғолиби Озмуни ҷумҳуриявии «Фурӯғи субҳи доноӣ китоб аст» шуда, ҳуҷҷатҳои худро ба факултети филологияи Донишгоҳи миллии Тоҷикистон супоридам ва бе озмун донишҷӯ мешавам. Зимни қабули ҳуҷҷатҳо на барои ман ва на дигар ғолибони озмун ягон монеа вуҷуд надошт. Чунин имкониятро ба дигар иштирокчиёни даври навбатии озмун низ таманно дорам».
Сармутахассиси Раёсати илм ва инноватсияи Вазорати маориф ва илми Ҷумҳурии Тоҷикистон Обидҷон Маҳмудзода дар суҳбат иброз намуд, ки чунин имтиёзҳо дар Низомномаи имсола бештар гардидаанд.
Мавсуф зикр намуд, ки имсол ғолибони даври якум, дуюм, сеюми озмун ва омӯзгорони онҳо аз ҷониби мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ ва дигар ташкилот ба таври моддию маънавӣ ҳавасманд гардонида мешаванд. Инчунин омӯзгороне, ки шогирдони онҳо дар даври чоруми озмун сазовори ҷойҳои якум мегарданд, бо нишони ифтихории «Аълочии маориф ва илми Ҷумҳурии Тоҷикистон» ва «Аълочии фарҳанги Ҷумҳурии Тоҷикистон» сарфароз гардонда мешаванд.
Ҳамчунин омӯзгорони муассисаҳои таҳсилоти миёнаи умумӣ, ки шогирдони худро аз даври якум то даври чоруми озмун омода менамоянд ва дар даври ниҳоӣ онҳо ҷойҳои якум, дуюм ва сеюмро соҳиб мешаванд, аз ҳисоби фонди захиравии Президенти Ҷумҳурии Тоҷикистон бо мукофотҳои пулӣ қадрдонӣ мешаванд. Падару модароне, ки фарзандони онҳо дар даври чорум ҷойҳои якум, дуюм ва сеюмро ба даст меоранд, соҳиби нишони «Маърифатпарвар» ва «Ифтихорнома»-и Китобхонаи миллӣ мегарданд.
Ёдовар мешавем, ки Вазорати маориф ва илм санадҳои ғолибони озмунро дар асоси таҳияи тартиби махсус барои 10 сол нигоҳдорӣ намуда, баъдан ба бойгонӣ месупорад.
АКСҲО аз Донишгоҳи миллии Тоҷикистон
НИШАСТИ МАТБУОТӢ. Дар Тоҷикистон 10 ёдгории таърихию фарҳангӣ бозёфт гардид
НИШАСТИ МАТБУОТӢ. Дар телевизионҳои Чин 6 филми мустанади Тоҷикистон намоиш дода мешавад
НИШАСТИ МАТБУОТӢ. Вазорати фарҳанг 5 номинатсияи навро барои дохилнамоӣ ба Феҳристи мероси ҷаҳонии ЮНЕСКО пешниҳод намудааст
Имрӯз дар Вазорати фарҳанг, Кумитаи телевизион ва радио, Агентии хизмати давлатӣ, Агентии ҳифзи мероси таърихию фарҳангӣ ва Академияи идоракунии давлатӣ нишасти матбуотӣ баргузор мешавад
То замони муосир барои шарҳи «Шоҳнома»-и Фирдавсӣ бештар аз 10 фарҳанг ба қалам омадааст
Дар Душанбе таҳти унвони «Ҷойгоҳи Хатлон дар тамаддуни умумибашарӣ» ҳамоиши илмӣ доир карда шуд
«ТОҶИКИСТОН-ВАТАНИ АЗИЗИ МАН». 132 довталаби пойтахт ба даври ҷумҳуриявии озмун роҳхат гирифт
ХУТТАЛИ ҚАДИМ. Пазируфта шудани он ба рӯйхати Мероси ҷаҳонӣ далели нақши муҳими ин маконҳо дар таърихи минтақа аст
Ҳамкорӣ байни муассисаҳои илмӣ-таҳқиқотии Тоҷикистон ва Ҷопон густариш меёбад
ШОҲНОМАПАЖӮҲӢ ДАР ЗАМОНИ СОҲИБИСТИҚЛОЛИИ ТОҶИКИСТОН. Ҳадафи ниҳоии Фирдавсӣ аз иншои асараш инсонсозӣ бо ҳувияти миллӣ будааст
Китоби «Мероси таърихӣ, фарҳангӣ ва табиии Тоҷикистон» аз чоп баромад
