«ҚОНУНҲОИ ЁБОӢ». Валентина Матвиенко ва Ширин Исматуллозода ба ҳимояи занони афғон бархостанд

Сентябрь 21, 2021 12:21

ДУШАНБЕ, 21.09.2021 /АМИТ «Ховар»/. Поймол кардани ҳуқуқи занон аз тарафи «Толибон»* дар Афғонистон қобили қабул нест. Дар ин бора раиси Шӯрои Федератсияи Русия Валентина Матвиенко зимни Конфронси умумиҷаҳонии раисони парлумонҳо дар Вена изҳори назар намуд, хабар медиҳад АМИТ «Ховар» бо истинод ба Sputnik.

Вакили парлумон зикр кард, ки ҳар кишвар анъана, тартиб ва таърихи худро дорад. Аммо, ҳеҷ давлат наметавонад арзишҳои умумиинсониро сарфи назар кунад.

«Онҳо (толибон. – Тавзеҳи АМИТ «Ховар») бо занон чӣ гуна муносибат хоҳанд кард — мо инро тавассути ҳаракати занонаи худ бодиққат мушоҳида мекунем»,- таъкид кард Матвиенко.

Раиси Шӯрои Федератсия поймол ва маҳдуд кардани ҳуқуқи занони афғон, инчунин эҷоди қонунҳои «ваҳшӣ» -ро ноҷоиз мешуморад.

«Вақте ки духтарони 12-соларо метавон ба шавҳар дод ва ғайра. Ин амал тамоман қобили қабул нест»,- гуфт Матвиенко.

Қаблан дар мусоҳиба бо АМИТ «Ховар» собиқ муовини Сарвазири Тоҷикистон, доктори илми филология, профессор, устоди Донишгоҳи миллии Тоҷикистон Ширин Исматуллозода гуфта буд, ки аъзои ҷунбиши радикалии «Толибон» бе риояи ҳуқуқҳои аҳолӣ наметавонанд ба ҷанг дар Афғонистон хотима диҳанд ва рушди устувори иҷтимоию иқтисодии кишварро таъмин созанд. Вай таваҷҷуҳро ба мушкилоти кунунии занони афғон, ки дучори он шудаанд, ҷалб кард.

«Баъди ба сари қудрат омадан, толибон аз нав ба маҳдуд кардани ҳуқуқу озодиҳои онҳо шурӯъ карданд. Бинобар қоидаву мамнӯияти нав бисёр занҳо дар Афғонистон кор карда ва духтарон ба мактаб рафта наметавонанд», — гуфт Ширин Исматуллозода. Ба гуфтаи вай, ҷангҷӯён кӯшиш доранд ҳама чизеро, ки духтарони афғон дар тӯли 20 сол ба даст овардаанд, нест кунанд.

«Муносибати бераҳмонаи толибон бо занон на танҳо ба қонунҳои байналмилалӣ, балки ба таълимоти исломӣ низ мухолиф аст, ҳарчанд толибон чунин амалҳоро мувофиқи қонунҳои шариат мешуморанд»,-гуфт профессор.

Исматуллозода иброз дошт, ки тундгароҳо динро барои мақсадҳои худ истифода мебаранд. «Бе иштироки занон дар корҳои давлатӣ ва инчунин намояндагони миллатҳои гуногун толибон наметавонанд вазъи кунунии Афғонистонро муътадил созанд.»

Ёдовар мешавем, ки толибон занонеро, ки дар ҳамоиши эътирозӣ бар зидди Покистон дар Кобул ширкат доштанд, латукӯб карданд. Баъди ин ҷангҷӯён ба сӯи онҳо тирандозӣ ва ба боздошти эътирозгарон оғоз карданд. Тибқи қонунҳои нави «соҳибони нав», занони кишвар набояд дар кӯча бе ҳиҷоб пайдо шаванд. Донишҷӯдухтарони донишгоҳҳо бояд ниқоб ва абай пӯшида, ҷудо аз писарон дарс омӯзанд.

___________________________________

*Толибон- ҷунбиши радикалие, ки дар Тоҷикистон ва дигар кишварҳо мамнӯъ аст.

  Акс аз бойгонӣ

 

Сентябрь 21, 2021 12:21

Хабарҳои дигари ин бахш

«Туту.ру»: Тоҷикистон ба панҷгонаи маъруфтарин кишварҳои мавсими махмалин барои русиягиҳо шомил гардид
ИМРӮЗ-РӮЗИ БАЙНАЛМИЛАЛИИ ҶАВОНОН. Бахшида ба ин сана дар Тоҷикистон Анҷумани VIII маҳфили «Ҷавононе, ки дар хориҷи кишвар таҳсил мекунанд» оғоз меёбад
БАРОИ ЭЛЕКТРОМОБИЛҲО ЧАРОҒАК САБЗ АСТ. Тоҷикистон ният дорад истифодаи чунин воситаҳои нақлиётро афзоиш дода, воридоти онҳоро аз пардохтҳои андозӣ ва гумрукӣ пурра озод кунад
Узбекистон тасмим гирифтааст, ки миёни Бухоро ва Душанбе хатсайри мустақим ифтитоҳ намояд
ДУ ПОЙ ДАР ЛОЙ. Камол Насрулло таассуб ва хурофотро аз бемориҳои дерину куҳансоле номид, ки бархе аз мардуми мо ба он гирифтор аст
ДАР АВРУПО БИНОБАР НОРАСОИИ ОБ ВА ХУШКСОЛӢ ДАРАҶАИ «СУРХ»-И ХАВФ ҶОРӢ ШУДААСТ. Тоҷикистон ва Нидерланд ба баргузории Конфронси СММ оид ба масъалаҳои об дар Ню Йорк омодагӣ мебинанд
ПРЕЗИДЕНТИ ТОҶИКИСТОН ДАР ИН БОРА ҲУШДОР ДОДА БУДАНД. Пиряхҳои Антарктида аз ҳисоби 2-3 дараҷа гарм шудани об тезтар об мешаванд
КҲФ ҲУШДОР МЕДИҲАД: ЭҲТИЁТ КУНЕД! Аз 5 то 8 август дар Тоҷикистон омадани селҳои пиряхӣ эҳтимол дорад
ПРЕЗИДЕНТИ ТОҶИКИСТОН БОРҲО ДАР ИН МАВЗӮЪ ГУФТААНД. Барномаи СММ хабар медиҳад, ки ғарби ИМА метавонад бе об ва барқ бимонад
ОБХЕЗИИ ХАРОБИОВАР ДАР ЭРОН. Президенти Тоҷикистон ба Президенти Эрон барқияи изҳори тасаллӣ ирсол намуданд
COVID-19. Ба Тоҷикистон беш аз 2 миллион воя ваксинаи «КоронаВак» ворид гардид
ТАЛАБОТ БА ЧИПТАҲОИ ҲАВОПАЙМО 10 БАРОБАР ЗИЁД ШУД! Тоҷикистон миёни кишварҳои маъруфтарин барои сафари шаҳрвандони Русия дар ҷои дуюм қарор гирифт

Маводҳои таҳлилӣ