Саидмукаррам Абдулқодирзода: Толибон аз номи Ислом ба амалҳои касиф даст зада, ин дини муқаддасро доғдор карданиянд
ДУШАНБЕ, 11.09.2021. /АМИТ «Ховар»/. Зулм гуноҳи азим аст. Дар дунё ҳеҷ зулм ва ситам ба мардум ба ягон давлат оромӣ намеорад. Баръакс, касратӣ, касофатӣ, нокомӣ, бадбахтӣ ва рӯсиёҳӣ меорад. Чунин гуфт зимни суҳбат Раиси Шӯрои уламои Маркази исломии Тоҷикистон Саидмукаррам АБДУЛҚОДИРЗОДА ба хабарнигори АМИТ «Ховар».
Саидмукаррам Абдулқодирзода иброз намуд, ки дар дини мубини Ислом дар сулҳу рифоҳ ва иттифоқ зистани мардум ҳамчун арзиши беҳтарин ситоиш мешавад. Зеро Ислом раҳму шафқат ва бародарӣ аст. Аммо ин гурӯҳ-ҳаракати террористии «Толибон» имрӯз худро давлати исломӣ гуфта, занону кӯдакон ва бародаронро қурбонӣ мекунанд, ки ин гуна хабарҳо ҳар рӯз тавассути ВАО пахш мешаванд. Яъне ин рафтори инҳо маънои онро дорад, ки инҳо аз Ислом, гуфтаҳои исломӣ, мусалмонӣ, раҳму шафқат ва бародарӣ хеле дур мебошанд.
«Пеш аз он ки ёрони Пайёмбар (с.а.в) ба ҷанг мерафтанд, он кас ба ёронашон таъкид мекарданд, ки «дарахтонро набуред, ба оне, ки силоҳашро ба замин гузошта, таслим шуд, озор нарасонед, занону кӯдаконро накушед ва ҳатто роҳибону диндоронеро, ки ғайримусалмон ҳам бошанд, ба қатл нарасонед. Ин ҳама раҳму шафқати мусалмонӣ ва қоидаҳои исломӣ имрӯз дар симои толибон дида намешаванд»,- афзуд ҳамсуҳбати мо.
Ба гуфтаи мавсуф, агар мо таърихи гузаштаи толибон ва таърихи чандрӯзаи онҳоро ба назар гирем, мебинем, ки онҳо дар оянда ҳам ба Афғонистон ва ҳам ба тамоми давлатҳои дуру наздик хатари ҷиддӣ доранд.
«Дини мубини Ислом нагуфтааст, ки зан-модарро дар назди оммаи мардум шаллоқ занед. Ё он ки занеро, ки соҳиби кӯдакони худрсол мебошад, толибон барои аз хона баромаданаш иҷозат намедиҳанд. Пас агар ин зан кор накунад, фарзандонаш аз гуруснагӣ намемиранд? Ин Ислом нест, балки Ислом дини раҳму шафқату меҳрубонӣ аст. Агар инҳо Исломи асосиро нишон медоданд, тамоми олам қабулашон мекард ва давлаташонро ба расмият мешинохтанд. Исломи воқеӣ- ин саодати инсонист. Толибон аз номи Ислом корҳои касиф намуда, ин дини муқаддасро доғдор карданиянд»,- гуфт Саидмукаррам Абдулқодирзода.
Мавсуф ҳамчунин таъкид дошт, ки «ман дар ҳайратам, ки ин кори толибон аз бесаводӣ бошад ё ҷаҳлу нодонӣ. Наход дар байни ин одамон ягон нафари босаводе набошад, ки онҳоро роҳнамоӣ намояд, ки дар ин маврид шариат чӣ мегӯяд ё Ислом чӣ мегӯяд. Коре, ки имрӯз толибон мекунанд, ин Ислом нест. Ҳукумате, ки золим аст, поянда нест. Танҳо ҳукумати одил поянда мебошад».
Фирӯзаи ДАВЛАТ,
АМИТ Ховар»
АКС аз бойгонии АМИТ «Ховар»
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
Пешвои миллат дар таҳкими мақоми Зан-Модар дар ҷомеи Тоҷикистон нақши намоён доранд
