Филмҳои коргардонҳои тоҷик дар Фестивали кинои кишварҳои ИДМ ва Балтика бо номи «Киношок» ба намоиш гузошта мешаванд
ДУШАНБЕ, 29.09.2021 /АМИТ «Ховар»/. Филми кӯтоҳи бадеии «Этюд»-и дар киностудияи давлатии «Тоҷикфилм» ба навор гирифташудаи коргардони тоҷик Мӯъмин Қодиров дар 30-юмин Фестивали байналмилалии кушоди кишварҳои ИДМ ва Балтика «Киношок», ки дар шаҳри Анапаи Краснодари минтақаи Русия оғоз шудааст, ба намоиш гузошта мешавад.
Филми «Этюд» соли 2020 дар Душанбе ба навор гирифта шуда, давомнокии он 16 дақиқа аст. Филм дар жанри драмаи варзишӣ ба навор гирифта шудааст. Он дар бораи писаре нақл мекунад, ки дар оилаи навозанда таваллуд шуда, ба воя расидааст. Падару модараш мехоҳанд, ки ӯ ба мусиқӣ машғул шавад, аммо писарбача ба футбол таваҷҷуҳ дорад.
«Этюд» филми нахустини коргардон Мӯъмин Қодирови 25-сола, хатмкардаи шуъбаи коргардонии Донишкадаи санъати Тоҷикистон ба номи Мирзо Турсунзода мебошад.
Ёдовар мешавем, ки ба барномаи озмунии фестивал ҳамчунин филми пурраметражи «Охирин сайди сайёд»-и коргардони дигар аз Тоҷикистон Маҳмадрабии Исмоил, ки аз рӯи асари нависанда Аброри Зоҳир ба навор гирифта шудааст, шомил гардидааст. Филм дар бораи ҳодисаҳои солҳои навадуми қарни гузашта, ки дар сарҳади давлатии Тоҷикистон бо Ҷумҳурии исломии Афғонистон ба амал омадаанд, нақл мекунад.
Дар маҷмӯъ дар озмуни фестивали «Киношок», ки аз 25 сентябр то 2 октябр баргузор мешавад, 30 филм аз саросари ҷаҳон ширкат хоҳанд кард.
Фестивали кушоди кинои кишварҳои ИДМ ва кинематографияи миллии «Киношок», ки соли 1992 аз ҷониби актриса Ирина Шевчук, драматург Виктор Мережко, инчунин рӯзноманигор ва мунаққид Сергей Новожилов таъсис ёфтааст, ҳамасола моҳи сентябр дар шаҳри Анапа баргузор мешавад.
Ҳадафи «Киношок» ҳифзи робитаҳои фарҳангӣ, муттаҳидсозии актёрон ва коргардонҳои рус ва хориҷӣ, муаллифони аслӣ ва ғояҳои аслӣ мебошад. Ва ҳамзамон, вохӯриҳои тамошобинон бо актёрони дӯстдоштаи худ. Мақсади асосии фестивал- ин муайянсозӣ ва дастгирии касбии нафаронест, ки дар ҳама жанрҳои кинои бадеӣ кор мекунанд.
АКСҲО аз «Тоҷикфилм»
Дар Тоҷикистон зиёда аз 21 навъи маводу масолеҳи тармимгарӣ омода карда мешавад
ПАЁМЕ, КИ ҲАМА НУРУ НАВИД АСТ. Андешаҳои Шоири халқии Тоҷикистон Камол Насрулло дар ҳошияи Паёми Президенти Тоҷикистон ба Маҷлиси Олӣ
ПАЁМИ ПРЕЗИДЕНТИ ТОҶИКИСТОН — ДАСТУРАМАЛ ВА РОҲНАМО. Дар Душанбе ҳамоиши илмӣ доир гардид
Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
Маркази тадқиқоти стратегии назди Президенти Ҷумҳурии Тоҷикистон ва Маркази пажуҳишии Шурои исломии Эрон ҳамкорӣ дар самти таҳқиқотро густариш медиҳанд
Байни Академияи миллии илмҳои Тоҷикистон ва Пажуҳишгоҳи муҳандисии генетикӣ ва биотехнологияи Эрон Ёддошти тафоҳум ба имзо расид
Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
Ҳамкории Академияи миллии илмҳои Тоҷикистон бо Вазорати мероси фарҳангӣ, гардишгарӣ ва саноеи дастии Эрон баррасӣ гардид
«Мероси Имоми Аъзам ва гуфтугӯи тамаддунҳо», «Мавлоно ва тамаддуни инсонӣ» сазовори «Шоҳҷоиза»-и Озмуни ҷумҳуриявии «Китоби сол-2024» гардиданд
Дар Душанбе робитаҳои фарҳангии Тоҷикистон ва Эрон баррасӣ шуданд
Дар Душанбе Пажуҳишгоҳи фарҳангии тоҷикӣ-форсӣ ифтитоҳ гардид
Дар Душанбе Форуми олимону пажуҳишгарони Тоҷикистон ва Эрон баргузор шуд
