Даъвати тирамоҳии шаҳрвандон дар қаламрави Тоҷикистон зиёда аз 40 фоизро ташкил дод
ДУШАНБЕ, 11.10.2021 /АМИТ «Ховар»/. Аз якуми октябр дар тамоми шаҳру навоҳии мамлакат даъвати тирамоҳии шаҳрвандон ба хизмати ҳатмии ҳарбӣ оғоз гардида, аллакай давоми даҳ рўзи ҷараёни ин маъракаи муҳими сиёсӣ иҷрои нақша дар қаламрави ҷумҳурӣ зиёда аз 40 фоизро ташкил медиҳад, хабар дод ба хабарнигори АМИТ “Ховар” сардори маркази матбуоти Вазорати мудофиаи Ҷумҳурии Тоҷикистон Фаридун Маҳмадализода.
Давоми даҳ рӯзи идомаи чорабиниҳои даъватии шаҳрвандон ба хизмати ҳарбӣ миёни вилоятҳо иҷрои нақша дар ВМКБ ба 100 фоиз баробар буда, аллакай дар ин минтақа ноҳияҳои Дарвоз, Ванҷ, Рӯшон, Роштқалъа, Шуғнон, Мурғоб, Ишкошим ва шаҳри Хоруғ дар хусуси пурра ба анҷом расонидани нақшаи даъват гузориш доданд.
Ин маъракаи муҳими сиёсӣ дар шаҳру навоҳии вилояти Суғд низ муташаккилона идома дошта, иҷрои нақша дар ин вилоят давоми даҳ рӯз ба 32 фоиз баробар мебошад.
Зикр карда шуд, ки аз маҷмӯи умумии 25 шаҳру навоҳии вилояти Хатлон то ин дам ноҳияи Шамсиддини Шоҳин аз иҷрои пурраи нақшаи даъват гузориш дода, иҷрои нақша дар қаламрави ин вилоят 29 фоизро ташкил медиҳад.
Аз рӯзи оғози даъвати тирамоҳии шаҳрвандон ба хизмати ҳатмии ҳарбӣ иҷрои нақша давоми даҳ рӯзи ҷараёни ин маъракаи муҳими сиёсӣ дар шаҳру ноҳияҳои тобеи ҷумҳурӣ ба 61 фоиз баробар буда, аллакай шаҳру навоҳии Ваҳдат, Рашт, Нуробод, Сангвор, Тоҷикобод ва Лахш аз анҷоми нақшаи пешбинишуда гузориш доданд.
Ҳамин тариқ, дар комиссариатҳои ҳарбии чаҳор навоҳии пойтахт иҷрои нақша 49 фоизро ташкил медиҳад.
Хизмати ҳарбӣ барои ҷавонписарони аз 18 то 27-сола, ки муассисаҳои миёнаи умумӣ ва миёнаи касбиро хатм намудаанд, 24 моҳ муқаррар карда шудааст. Тибқи талаботи қонуни мазкур, шаҳрвандоне, ки донишгоҳу донишкадаҳоро бо кафедраҳои ҳарбӣ хатм менамоянд, танҳо баъди 12 моҳи хизмати ҳарбӣ ба онҳо рутбаи аввалини афсарӣ дода мешавад. Зеро онҳо дар кафедраҳои ҳарбӣ ихтисосҳои гуногунро ба таври назариявӣ аз бар карда, ҳамчун мутахассис ба сафи артиш шомил мешаванд ва дарсҳои назариявиро ба таври амалӣ тақвият бахшида, баъди як соли хизмат сазовори рутбаи аввалини афсарӣ, яъне лейтенанти хурд мегарданд.
Шаҳлои САДРИДДИН,
АМИТ «Ховар»
АКСҲО аз сомонаи Вазорати мудофиаи Ҷумҳурии Тоҷикистон
Дар шаҳри Бӯстон мулоқоти ҳайатҳои корӣ ва топографии ҳукуматии Тоҷикистон ва Қирғизистон баргузор гардид
Дар шаҳри Бӯстон мулоқоти ҳамраисони ҳайатҳои ҳукуматии Тоҷикистон ва Қирғизистон баргузор шуд
Дар Душанбе вобаста ба таъминоти бехатарии озуқаворӣ дар занҷираи истеҳсолӣ машварат баргузор гардид
ТАҒЙИРОТ БА ҚОНУН. Ба маоши вазифавии кормандоне, ки дар ҳодисаҳои сӯхтор дар шароити барои саломатӣ зараррасон хизмат мебаранд, ба андозаи 20 дарсад иловапулӣ пешбинӣ карда мешавад
Агентии назорати давлатии молиявӣ ва мубориза бо коррупсия ҳамкориро бо Намояндагии Барномаи рушди СММ дар Тоҷикистон тавсеа мебахшад
ПЕШГИРИИ САДАМАҲО. Вазорати нақлиёти Тоҷикистон бо мусоидати Бонки ҷаҳонӣ дар мавзуи таъмини бехатарии роҳҳо машварат доир намуд
Байни Агентии назорати давлатии молиявӣ ва мубориза бо коррупсияи Тоҷикистон ва Прокуратураи генералии Озарбойҷон барномаи ҳамкорӣ ба имзо расид
Дар Прокуратураи генералии Ҷумҳурии Тоҷикистон доир ба пешгирии тақсимоти ғайриқонунии замин ва сохтмони худсарона ҷаласа баргузор шуд
Дар Прокуратураи генералӣ ҷаласаи навбатии Шурои ҳамоҳангсозии фаъолияти мақомоти ҳифзи ҳуқуқ доир гардид
Таъмини иҷрои Нақшаи чорабиниҳои амалисозии Стратегияи миллӣ оид ба назорати маводи нашъаовар дар Тоҷикистон баррасӣ шуд
Дар Академияи Вазорати корҳои дохилии Тоҷикистон маросими тантанавии савгандёкунии курсантон баргузор шуд
Дар қисмҳои низомии шаҳри Хоруғ наваскарон савганди садоқат ёд намуданд
