Сарвари давлат Эмомалӣ Раҳмон бинои Муассисаи таҳсилоти миёнаи умумии №2-ро дар шаҳраки Фархори ноҳияи Фархор мавриди истифода қарор доданд

Октябрь 2, 2021 09:20

ДУШАНБЕ, 02.10.2021 /АМИТ «Ховар»/. 2 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҳаллаи Рӯдакии шаҳраки Фархори ноҳияи Фархор нахуст бинои нави Муассисаи таҳсилоти миёнаи умумии №2 ба номи Садриддин Айниро, ки аз ҷониби соҳибкор Хуршед Нозимов бунёд гардидааст, мавриди истифода қарор доданд.

Пудратчии сохтмон Ҷамъияти дорои масъулияти маҳдуди «Кавсар Констрактшн» буда, лоиҳаи он аз тарафи Ҷамъияти дорои масъулияти маҳдуди «Архиком»-и шаҳри Душанбе бо усули муосири меъморӣ таҳия шудааст. Таълимгоҳ дар масоҳати умумии 1,75 гектар доман густурда, аз 3 ошёна ва таҳхона иборат ва дорои 34 синфхона буда, барои 2000 хонанда дар ду баст пешбинӣ гардидааст.

Аснои шиносоӣ ба Пешвои муаззами миллат муҳтарам Эмомалӣ Раҳмон иттилоъ дода шуд, ки бо дарназардошти татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», дар муассисаи навбунёд утоқҳои фаннӣ бо тамоми техникаю технологияи зарурии насли нав таъмин гардида, барои гузаронидани машғулияти амалии хонандагон имконоти мусоид фароҳам оварда шудаанд.

Ҳамзамон таълимгоҳ аз толори маҷлисгоҳ бо 260 ҷойи нишаст, ошхона барои 160 нафар ва китобхона иборат буда, ҷиҳати омода намудани хонандагон ба озмунҳои сатҳи ҷумҳуриявӣ, аз ҷумла, «Фурӯғи субҳи доноӣ китоб аст» толори хониш бунёд гардидааст.

Сарвари давлат муҳтарам Эмомалӣ Раҳмон иқдоми соҳибкорро шоистаи таҳсин хонда, ба масъулин доир ба беҳтар намудани сатҳу сифати дониши хонандагон ва иштироки фаъолонаи муҳассилин дар озмуну олимпиадаҳои сатҳи ҷумҳуриявию ҷаҳонӣ дастуру ҳидоятҳо доданд.

Дар таълимгоҳ ҳамчунин бо мақсади тарғибу ташвиқи тарзи ҳаёти солим, оммавигардонии варзиш ва ҳамзамон дар сатҳи баланд гузаронидани машғулияти тарбияи ҷисмонӣ ва омодагии дифои ҳарбӣ, як толор ва ду майдончаи варзишӣ бунёд гардида, бо тамоми лавозимоти солимгардонӣ таъмин карда шудаанд.

Намои берунаи бино бо тарҳ ва услуби баланди меъмории муосир сохта шуда, саҳн ва атрофи муассиса бо гулу буттаҳои сояафкану ороишӣ зебо гардонида шудааст. Ҳамзамон муассисаи таълимӣ бо хати алоҳидаи барқ таъмин гардидаст.

Ба истифода додани бинои Муассисаи таҳсилоти миёнаи умумии №2 дар шаҳраки Фархори ноҳияи Фархор 02.10.2021

Октябрь 2, 2021 09:20

Хабарҳои дигари ин бахш

Президенти Тоҷикистон Эмомалӣ Раҳмон бори ҳафтум ба рӯйхати мусулмонони бонуфузтарини олам шомил шуданд
Президенти Ҷумҳурии Тоҷикистон Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил иштирок намуданд
Президенти Тоҷикистон Эмомалӣ Раҳмон дар ҷаласаи Шӯрои сарони давлатҳои узви ИДМ дар шакли видеоконфронс иштирок мекунанд
ПАЁМИ ШОДБОШИИ Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати ҷашни Меҳргон
Суханронии Президенти Ҷумҳурии Тоҷикистон Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО
Пешвои миллат Эмомалӣ Раҳмон дар маросими ифтитоҳи Рӯзи фарҳанги Тоҷикистон дар ЮНЕСКО иштирок намуданд
Президенти Ҷумҳурии Тоҷикистон Эмомалӣ Раҳмон бо Мудири кулли ЮНЕСКО хонум Одрӣ Азуле мулоқот намуданд
Президенти Ҷумҳурии Тоҷикистон Эмомалӣ Раҳмон бо Раиси Сенати Фаронса Жерар Ларше мулоқот намуданд
Пешвои миллат Эмомалӣ Раҳмон дар маросими ифтитоҳи Намоиши нигораҳои Тоҷикистон таҳти унвони «Тоҷикистон — кишвари дарёҳои тиллоӣ» дар Осорхонаи Гимейи Ҷумҳурии Фаронса иштирок намуданд
Суханронии Президенти Ҷумҳурии Тоҷикистон Эмомалӣ Раҳмон дар назди намояндагони воситаҳои ахбори омма пеш аз мулоқот бо Президенти Ҷумҳурии Фаронса Эммануэл Макрон
Мулоқоту музокироти сатҳи олии Тоҷикистону Фаронса
Маросими истиқболи расмии Президенти Ҷумҳурии Тоҷикистон Эмомалӣ Раҳмон дар Маҷмааи Артиши миллии Фаронса