ТОҶИКОН ДАР АФҒОНИСТОН ЗИЁДАНД. Дар ин бора Президенти Русия Владимир Путин дар ҷаласаи Клуби байналмилалии «Валдай» изҳори назар намуд
ДУШАНБЕ 10.22.2021 /АМИТ «Ховар»/. Дар Афғонистон «Толибон»* (ин ҳаракат дар Тоҷикистон мамнӯъ аст) бояд бо ҳама гурӯҳҳои қавмию мазҳабӣ ва ва созмонҳои сиёсию ҷамъиятӣ робита барқарор кунанд. Дар ин бора 21 октябр Президенти Русия Владимир Путин зимни суханронӣ дар Ҷаласаи солонаи XVIII Клуби мубоҳисавии байналмилалии «Валдай» изҳори назар намуд.
Ба гуфтаи ӯ, «Толибон»* [ҳайати ҳукумате, ки аз ҷониби ҳаракат таъсис ёфтааст] ҳоло асосан аз гурӯҳҳои паштун иборат аст. «Аммо дар он ҷо тоҷикон ҳастанд, — гуфт Путин. — Ва аз рӯи ҳисобҳои гуногун аз 40 то 47 фоизро ташкил мекунанд. Бубинед, ин хеле зиёд аст».
«Баъдан, узбекҳо, ҳазораҳо ва дигарон низ ҳастанд. Бале, ман медонам, ҳоло ҳатто дар ҳайати роҳбарии [«Толибон»] ҳукумат намояндагони ин гурӯҳҳо ҳастанд, вале на дар нақшҳои калидӣ. Мардум иддао доранд, ки дар низоми идоракунии кишвар ҷойҳои намоёнро ишғол кунанд. Ва ин тавозун бояд пайдо гардад», — афзуд Президенти Русия.
Ба гуфтаи Путин, Русия барои дарёфти созишҳои қобили қабул, аз ҷумла бо назардошти ҳуқуқи занон манфиатдор аст.
«Мо бо ҳама неруҳои сиёсии Афғонистон дар тамос ҳастем ва бо ҳама робитаҳои нисбатан мӯътадил дорем. Аммо, мо хоҳони онем, ки созишҳои қобили қабул дарёфт карда шаванд ва масъалаҳое, ки дар назди кишвар истодаанд, танҳо бо ёрии аслиҳа, ки ахиран чунин буд, ҳал нашаванд, балки манфиатҳои занон ба инобат гирифта шаванд», -гуфт Путин.
Дар идомаи суханронӣ Путин зикр кард, ки манфиатҳои Русия дар он ифода меёбанд, ки Афғонистон дар ниҳоят аз ҷанги тӯлонии шаҳрвандӣ барояд ва мардуми он тавонанд худро дар доираи сарҳадҳои миллии худ дар амн эҳсос кунанд ва имконияти рушду шукуфоӣ дошта бошанд. «Мо бо ҳар роҳ барои расидан ба чунин ҳадаф саъй хоҳем кард»,- гуфт Президенти ФР.
Ҳамзамон Путин изҳор дошт, ки нақш ва аҳамияти Покистон дар ин вазъ на камтар аз нақш ва аҳамияти Русия ё Чин аст. «Мо ба рушди ҳамкорӣ манфиатдорем <…> ба он хотир, ки натиҷаи дилхоҳ ба даст оварда шавад»,- гуфт Президенти Русия.
_____________________________________
*»Толибон» — созмони террористӣт, ки дар Тоҷикистон ва Русия мамнӯъ аст.
АКС аз манбаъҳои боз
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Эмомалӣ Раҳмон: «Ватанамонро соҳибӣ мекунем, обод мекунем ва намегузорем, ки халқамон дастнигари дигарон шавад»
ИҚТИСОДИ «САБЗ». Намояндаи Ироқ Ҳотам Ҳусейн: «Шумораи зиёди электромобилҳо дар Душанбе аз тадбирҳои тоза нигоҳ доштани муҳити зист дарак медиҳад»
«ТОҶИКИСТОНРО ЧУН БИҲИШТИ РӮИ ЗАМИН ДАРЁФТЕМ». Бардошти меҳмонон пас аз шиносоӣ бо сохтмони Неругоҳи барқи обии «Роғун»
Эмомалӣ Раҳмон: «Иди Қурбон тӯй ё маросиме нест, ки боиси вазнин шудани вазъи молии инсон ва аъзои оилаи вай гардад»
РАВАНДИ ОБИ ДУШАНБЕ. Рен Чинг Чун: «Иқдоми ҷаҳонии Тоҷикистонро дар масъалаи обу иқлим ва ҳифзи пиряхҳо ҷонибдорӣ менамоем»
