Вакилони Маҷлиси намояндагони Тоҷикистон дар ҷаласаҳои комиссияҳои доимии АБ ИДМ иштирок намуданд

Октябрь 29, 2021 13:16

ДУШАНБЕ, 29.10.2021 /АМИТ «Ховар»/.  Имрӯз ҷаласаи навбатии Комиссияи доимии Ассамблеяи Байнипарлумонии Иттиҳоди Давлатҳои Мустақил оид ба илм ва маориф баргузор гардид, ки дар кори он раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон Насиба Содиқӣ дар реҷаи фосилавӣ иштирок ва суханронӣ намуд, хабар дод котиби матбуоти Маҷлиси намояндагон Муҳаммадато Султонов ба АМИТ «Ховар».

Дар ҷаласа санадҳои намунавии қонунгузорӣ ва дигар ҳуҷҷатҳое, ки комиссия болои онҳо кор мекунад, баррасӣ гардиданд. Аз ҷумла,  «Тавсияҳо оид ба самтҳои дурнамои қонунсозии намунавӣ дар соҳаи илм ва маориф ва «Тавсияҳо оид ба танзими меъёрии рақамикунонӣ дар соҳаи маориф»  мавриди баррасӣ қарор гирифтанд.

Дар рӯзномаи ҷаласа ҳамчунин таҳрири нави «Кодекси иттилоотии намунавӣ барои давлатҳои аъзои ИДМ», «Тавсияҳо оид ба танзими меъёрии истифодаи зеҳни сунъӣ, аз ҷумла меъёрҳои ахлоқии тадқиқот ва коркардҳо», ҳамчунин асноди соҳаи маориф – «Тавсияҳо оид ба равишҳои ҳамоҳангшуда оид ба ташаккули системаи таълими муосири фармасевтӣ дар кишварҳои узви ИДМ»,  «Тавсияҳо  дар бораи чораҳои муайян ва дастгирии кӯдакону ҷавонони лаёқатманд», «Тавсияҳо оид ба ташкили кори тарбиявӣ бо падару модарон ва фаъолияти чамъиятии онҳо» мавриди таҳлил ва омӯзиши ҳамаҷониба  қарор гирифтанд.

Вакилони Парлумон ҳамчунин лоиҳаҳои қонуни намунавӣ «Дар бораи тиҷоратӣ гардонидани натиҷаҳои фаъолияти зеҳнӣ дар соҳаи илм ва техника», қонуни намунавӣ «Дар бораи аттестатсияи (аккредитатсияи) давлатии субъектҳои фаъолияти илмӣ ва илмию техникӣ»-ро баррасӣ намуда, аз рӯи ҳамаи  масъалаҳои баррасишуда қарорҳои дахлдор қабул намуданд.

Ҳамзамон имрӯз дар Қасри Таврический, қарорго ҳи Ассамблеяи Байнипарлумонии давлатҳои аъзои ИДМ ҷаласаи Комиссияи доимии АБ ИДМ оид ба масъалаҳои ҳуқуқӣ баргузор гардид, ки дар он  вакили Маҷлиси намояндагон Равшан Раҷабзода ба таври реҷаи фосилавӣ иштирок ва суханронӣ намуд.

Аъзои комиссия лоиҳаҳои қонунҳои намунавӣ: «Дар бораи қонуни шартномавӣ (муқаррароти умумӣ)», «Дар бораи муомилоти молиявӣ», «Дар бораи роҳҳои таъмини иҷрои уҳдадориҳо», «Дар бораи фаъолияти суғурта», «Дар бораи маблағҳо», «Дар бораи маблағҳои пулӣ»,  «Дар бораи муомилоти молӣ», «Дар бораи қонунгузории шартномавӣ»,  «Дар бораи ҳифзи истеъмолкунандагон (таҳрири нав)”, “Лоиҳаи таҳрири нави Низомнома дар бораи Институти байналмилалии мониторинги рушди демократия, парламентаризм ва риояи ҳуқуқҳои интихоботии шаҳрвандони давлатҳои аъзои АБ ИДМ», «Дар бораи лоиҳаи Низомномаи намунавӣ», «Дар бораи филиалҳо ва намояндагиҳои Институти байналмилалии мониторинги рушди демократия, парламентаризм ва риояи ҳуқуқҳои интихоботии шаҳрвандони давлатҳои аъзои АБ  ИДМ»-ро баррасӣ намуданд. Инчунин вакилон рафти омодагии лоиҳаҳои қонунҳои намунавӣ: «Дар бораи уҳдадориҳои аз зиён расонидашуда», «Дар бораи уҳдадориҳо дар натиҷаи бойшавии беасос ва амалҳои ба манфиати каси дигар бидуни фармоиш», «Дар бораи мубориза бар зидди ҷиноятҳои киберҷинояткорӣ»-ро баррасӣ намуданд.

Аъзои комиссия оид ба натиҷаҳои ҷаласаи навбатии Шӯрои коршиносони назди Комиссияи доимии АБ ИДМ оид ба масъалаҳои ҳуқуқӣ, ки 6 октябри соли 2021 баргузор гардид, табодули назар намуда, аз рӯи пешниҳодҳои таҳиянамудаи Шӯро қарор қабул намуданд. Илова бар ин, дар ҷаласа интихоботи муовинони Раиси комиссия баррасӣ гардид.

Дар Қасри мазкур инчунин ҷаласаи Комиссияи доимии АБ ИДМ оид ба фарҳанг, иттилоот, сайёҳӣ ва варзиш баргузор шуд, ки дар он вакили Маҷлиси намояндагон  Зоир Раҳмонзода онлайн иштирок ва суханронӣ намуд.

Аъзои комиссия масъалаи ташкилии интихоби ҷонишини раиси комиссия  ва лоиҳаи қонунҳои намунавӣ «Дар бораи дастгирии давлатии кинематография», «Дар бораи фаъолияти театр», таҳрири нави «Кодекси намунавии моликияти зеҳнӣ барои давлатҳои аъзои ИДМ» , қонуни намунавӣ «Дар соҳаи рушди рақамӣ, фарҳанг, сайёҳӣ ва варзиш»-ро  мавриди баррасӣ қарор доданд.

Ба муносибати дар ИДМ эълон шудани соли 2023 соли забони русӣ ҳамчун забони муоширати байни миллатҳо маърӯзаи С. Шуба, директори генералии театр-фестивали «Хонаи Балтика» дар бораи нақши забони русӣ дар фаъолияти театрии мамлакатҳои ИДМ ва дар бораи фестивали театрҳои русзабон бо номи «Вохӯрӣ дар Русия» шунида шуд.

АКСҲО: МН МО ҶТ

Октябрь 29, 2021 13:16

Хабарҳои дигари ин бахш

Дар Маҷлиси намояндагон Рӯзи кормандони мақомоти адлия ва мақомоти иҷрои ҷазои ҷиноятӣ муайян гардид
Валентина Матвиенко азм дорад аввалҳои соли 2022 бо сафари корӣ ба Тоҷикистон ташриф биёрад
Дар Маҷлиси намояндагон оид ба мавзӯи фаъолияти бехатар бо организмҳои аз ҷиҳати генетикӣ тағйирдодашуда ҳамоиш доир шуд
Дар Шӯрои Маҷлиси намояндагон лоиҳаи Қонун «Дар бораи Ҳукумати Ҷумҳурии Тоҷикистон» баррасӣ шуд
Қонун «Дар бораи пешгирии зӯроварӣ дар оила» мавриди баррасии вакилон қарор гирифт
Маҳмадтоир Зокирзода ва Виктор Денисенко оид ба рушди ҳамкории мутақобила суҳбат намуданд
Дар иҷлосияи Маҷлиси намояндагон се созишнома ба тасвиб расид
Вакилони Маҷлиси намояндагон бо мукофотҳои АБ ИДМ қадрдонӣ гардиданд
Дар Душанбе ҷаласаи якҷояи шашуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир шуд
Имрӯз Президенти Ҷумҳурии Тоҷикистон Эмомалӣ Раҳмон ба Маҷлиси Олӣ бо Паём муроҷиат мекунанд
Ҷаласаи навбатии Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
21 декабр ҷаласаи шашуми якҷояи Маҷлиси миллӣ ва Маҷлиси намояндагони Ҷумҳурии Тоҷикистон, даъвати шашум доир мегардад