Бонки ҷаҳонӣ барои ҷалби маблағҳои иловагӣ дар соҳаи тандурустии Тоҷикистон тадбирҳоро амалӣ менамояд
ДУШАНБЕ, 24.11.2021 /АМИТ «Ховар»/. 23 ноябр Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Директори минтақавии Бонки ҷаҳонӣ оид ба рушди инсон дар Аврупо ва Осиёи Марказӣ Фадия Саада доир ба татбиқи Стратегияи рушди саломатии аҳолии Ҷумҳурии Тоҷикистон барои давраи то соли 2030 мубодилаи афкор намуданд, иттилоъ медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Ёдовар мешавем, ки миссияи Бонки ҷаҳонӣ давоми як моҳ дар Ҷумҳурии Тоҷикистон бо мақсади мусоидат дар пешрафти татбиқи лоиҳаҳои соҳаи тандурустӣ ва баррасии имконияти ҷалби маблағҳои иловагӣ якчанд корҳоро муваффақона ба анҷом расонид.
Зикр шуд, ки Бонки ҷаҳонӣ шарики боэътимоди стратегии Ҷумҳурии Тоҷикистон ба шумор рафта, дар давраи пандемияи COVID-19 ба кишвар кумаки грантӣ пешниҳод намудааст. Бо дастгирии Бонки ҷаҳонӣ Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Лоиҳаи “Беҳтар намудани хизматрасонии тиббӣ”-ро дар ноҳияҳои қаблии вилоятҳои Хатлону Суғд ва аз соли 2021 дар 6 ноҳияи нави таҷрибавӣ татбиқ менамояд, ки лоиҳаи мазкур айни замон 16 ноҳияҳои таҷрибавиро фаро мегирад.
Дар давраи пандемияи COVID-19 Бонки ҷаҳонӣ Лоиҳаи фавқулодаи муқовимат ба вируси COVID-19- ро дар Тоҷикистон (ТЕС-19) мавриди амал қарор дод, ки самтҳои фаъолияти он тақвият додани иқтидори соҳаи табобати интенсивӣ ва эҳё, дастгирии чорабиниҳои иттилоотӣ ҷиҳати баланд бардоштани сатҳи огоҳии аҳолӣ аз хавфу хатарҳои оқибатҳои имконпазири пандемияи COVID-19 ва расонидани кумакпулии яквақтаи иҷтимоӣ дар ҳаҷми 500 сомонӣ ба табақаҳои ниёзманди аҳолӣ маҳсуб меёбанд.
АКС: Вазорати тандурустӣ ва ҳифзи иҷтимоии аҳолии ҶТ
Ҳаҷми умумии маҳсулоти кишоварзии Вилояти Мухтори Кӯҳистони Бадахшон ба як миллиард сомонӣ расид
Дар ноҳияи Ёвон беш аз 22 ҳазор тонна маҳсулоти ғаладонагӣ ҷамъоварӣ гардидааст
Эмомалӣ Раҳмон: «Ҳаҷми истеҳсоли маҳсулоти саноатӣ дар Вилояти Мухтори Кӯҳистони Бадахшон соли 2024 ба беш аз 307 миллион сомонӣ расид»
Шумораи субъектҳои соҳибкорӣ дар Вилояти Мухтори Кӯҳистони Бадахшон ба 11 ҳазор расид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
