Нуқтаҳои фурӯш ва хизматрасонии ҶДММ «Султони Кабир» ба дигар маҳал кӯчонида мешаванд

Ноябрь 25, 2021 09:40

ДУШАНБЕ, 25.11.2021. /АМИТ «Ховар»/. Бо мақсади ба талаботи меъморию шаҳрсозии муосир мувофиқ намудани кӯчаҳои Н.Қарабоев, Абайи ноҳияи Фирдавсӣ ва А. Ҷомии ноҳияи Синои шаҳри Душанбе фаъолияти бозор, нуқтаҳои фурӯш ва хизматрасонии Ҷамъияти дорои масъулияти маҳдуди «Султони Кабир» аз 1 марти соли 2022 боз дошта шуда, минбаъд бо тартиби муқарраргардида фаъолияти соҳибкорон дар дигар маҳал ба роҳ монда мешавад, иттилоъ медиҳад АМИТ «Ховар» бо истинод ба шуъбаи иттилоотии дастгоҳиРаиси шаҳри Душанбе.

Инчунин Ҷамъияти дорои масъулияти маҳдуди «Файзи Саид»-«Осиё» ва атрофи он дар ноҳияи Фирдавсӣ, маркази савдои «Мадад», воқеъ дар кӯчаи А. Ҷомии ноҳияи Сино дар дигар маҳал ҷойгир карда мешаванд.

Иқдоми мазкур бо қарор аз 24 ноябри соли 2021 амалӣ гардида, бо мақсади  тадбиқи бомароми нақшаи генералӣ ва амалӣ намудани ҳадафҳои иҷтимоӣ ҷиҳати таъмини шароити мусоид ба сокинони пойтахт ва бунёди иншооти тандурустиву солимгардонӣ,  таъмини ҳаракати бемамониати воситаҳои нақлиёт дар ин роҳҳо ва танзими давлатии савдо роҳандозӣ мегардад.

Тазаккур бояд дод, ки бунёди шаҳраки тиббӣ, марказҳои солимгардонӣ бо минтақаи сабзазоркунии истифодаи умум ҳанӯз дар нақшаи генералии шаҳри Душанбе дар соли 1983 таҳия ва тасдиқ шуда буд.

АКС: Мақомоти иҷроияи ҳокимияти давлатии шаҳри Душанбе

Ноябрь 25, 2021 09:40

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои бебориш дар назар аст
Дар Рӯзи Парчами давлатӣ дар Хатлон ғолибони озмуни ҳизбии «Расми беҳтарин» муайян шуданд
Ҷаласаи якуми гурӯҳи кории «Ҳифзи муҳити зист, ҳолатҳои фавқулода ва тағйирёбии иқлим» доир шуд
Дастаи «Вавилон» соҳиби Ҷоми «Бабри барфӣ» гардид
Рустам Назарзода ва Жозеп Боррелл самтҳои асосии фаъолияти идораи наҷот ва ҳамкориро баррасӣ намуданд
Дар қаламрави Тоҷикистон заминларза ба қайд гирифта шуд
ОБУ ҲАВО: Имрӯз дар Тоҷикистон ҳаво абрнок шуда, дар ноҳияҳои алоҳидаи кӯҳӣ бориши борон ва барф пешгӯӣ мешавад
Рӯзи Парчамро дар Донишгоҳи миллии Тоҷикистон бо шукӯҳи хосса ҷашн гирифтанд
Дар доираи Лоиҳаи «Рушди таҳсилотӣ олӣ» бо мақсади беҳтарнамоии таълим ва сифати таҳсилоти олӣ машварати омӯзишӣ доир шуд
Соҳибкорони вилояти Красноярски ФР бо сафари корӣ ба вилояти Суғд меоянд
Доир ба раванди мутобиқсозии барномаҳои таълимӣ ба соҳаи нассоҷӣ ва дӯзандагии Тоҷикистон машварат доир шуд
ОБУ ҲАВО: Имрӯз дар Тоҷикистон ҳавои бебориш дар назар аст