Олимони тоҷик нақши Президенти Тоҷикистонро дар комёбиҳои сулҳу ваҳдати миллӣ нотакрор арзёбӣ намуданд
ДУШАНБЕ, 16.11.2021. /АМИТ «Ховар»/. Имрӯз дар Академияи миллии илмҳои Тоҷикистон /АМИТ/ бахшида ба Рӯзи Президенти Ҷумҳурии Тоҷикистон маҷлиси тантанавӣ баргузор шуд, хабар медиҳад АМИТ «Ховар».
Ҷаласаро президенти АМИТ, академик Фарҳод Раҳимӣ ифтитоҳ намуда, иброз намуд, ки нақши Президенти Ҷумҳурии Тоҷикистон аввалан, дар барҳам додани хатари азбайнравии давлати тоҷикон ва парокандашавии миллат, сониян, дар комёбиҳои сулҳ ва ваҳдати миллӣ, солисан, дар таъмини рушди ҳамаҷонибаи давлат ва робиан, ҷиҳати рушди тафаккур ва ҷаҳонбинии муосир бо дарназардошти татбиқшавии қонунҳои нави судманд, мисли Қонуни ҶТ «Дар бораи танзими анъана ва ҷашну маросим», роҳандозӣ гардидани ҳадафи чаҳорум — саноатикунонии мамлакат бо дарназардошти анҷом додани сохтмони «НБО Роғун» нотакрор арзёбӣ мешавад.
«Бисёр таҷрибаҳои дар амал роҳандозӣ ёфтаи Эмомалӣ Раҳмон алҳол дар бисёр кишварҳои хориҷӣ мавриди таҳқиқ қарор гирифта, ҷиҳати татбиқи он дар он давлатҳо андешаҳо иброз мегарданд», — илова намуд Ф. Раҳимӣ.
Дар маҷлис инчунин дигар олимони тоҷик доир ба паҳлуҳои мухталифи фаъолияти Президенти мамлакат ибрози андеша намуданд.
Дар доираи таҷлил аз Рӯзи Президент бо ибтикори КИИ «Хирадмандон»-и ҲХДТ дар АМИТ ва КИ ҲХДТ дар ноҳияи Шоҳмансури шаҳри Душанбе аксияи оммавӣ таҳти унвони «Ӯ бо халқ аст ва халқ бо ӯст» роҳандозӣ шуд.
АКСҲО: АМИТ
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
