Раиси вилояти Суғд бо фаъолияти як қатор гармхонаву сардхонаҳо шинос гардид
ДУШАНБЕ, 19.11.2021 /АМИТ «Ховар»/. Дар миқёси вилояти Суғд 36 адад сардхона бо ғунҷоиши аз 40 то 1000 тонна фаъолият дошта, дорои иқтидори умумии 8 ҳазору 680 тонна мебошанд ва дар онҳо маҳсулоти гуногун захира гардида истодааст. Ҳамзамон, дар корхонаҳои кишоварзию хоҷагиҳои деҳқонӣ 454 гармхона мавҷуд аст, ки аз он 289 гармхонаи навъи хитоӣ ва 4 гармхона навъи инноватсионӣ мебошанд.
Дар ин бора зимни шиносоии Раиси вилояти Суғд Раҷаббой Аҳмадзода аз як қатор гармхонаву сардхонаҳои вилоят, ки 18 ноябр сурат гирифт, маълумот дода шуд.
Тавре аз Хадамоти матбуоти Раиси вилояти Суғд ба АМИТ «Ховар» хабар доданд, Раҷаббой Аҳмадзода аз ҷумла бо фаъолияти гармхонаи замонавии Ҷамъияти дорои масъулияти маҳдуди «ММК Агро» ошно шуд. Дар ин гармхонаи инноватсионӣ, ки моҳи марти соли 2020 бо иштироки Президенти мамлакат муҳтарам Эмомалӣ Раҳмон мавриди истифода қарор гирифта буд, айни замон парвариши помидору бодиринг ба роҳ монда шуда, маҳсулот барои таъмини эҳтиёҷоти бозори дохилӣ истифода мегардад.
Роҳбари вилоят ҳамзамон аз гармхонаву сардхонаҳои Ҷамоати деҳоти Ёваи ноҳияи Бобоҷон Ғафуров боздид намуда, барои захира ва истеҳсоли ҳарчи бештари маҳсулот ба роҳбарияти ноҳия тавсияҳо дод.
Раҷаббой Аҳмадзода зикр кард, ки аз ҷониби идораҳои марбута барои зимистони дарпешистода маводи асосии ғизоӣ, аз ҷумла равғану шакар, орд, картошка, сабзӣ, пиёз, консерва ва дигар номгӯи маҳсулот захира гардидааст. Барои таъмини аҳолӣ бо маҳсулоти тару тоза бояд фаъолияти гармхонаву сардхонаҳо беҳтар ба роҳ монда шавад.
АКСҲО: Хадамоти матбуоти Раиси вилояти Суғд
Ҷашни Тиргон бо баргузории Иди зардолу ва намоиши «Хушкмеваҳои Тоҷикистон» оғоз гардид
Имсол кишоварзони ноҳияи Восеъ ҳосили фаровон ба даст оварданд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» баргузор мешавад
БАДАХШОН — ДАРВОЗАИ ТИЛЛОИИ ТОҶИКИСТОН. Дар ин минтақаи кӯҳҳӣ садҳо километр роҳҳои мошингард бунёду навсозӣ гардиданд
Дар 21 гектар замини хоҷагии деҳқонии «Абдуҷаббор»-и ноҳияи Фархор ниҳолҳои пистаи навъи тоҷикӣ парвариш меёбанд
Дар Душанбе таҳкими ҳамкории Тоҷикистон ва Олмон дар соҳаи саноат баррасӣ шуд
Тоҷикистон барои воридоти смартфонҳо ва телефонҳои мобилӣ 20% боҷи гумрукӣ ҷорӣ менамояд
Маҷаллаи бонуфузи фаронсавӣ «The Investor» шумораи махсуси худро ба Тоҷикистон мебахшад
Душанбе мизбони нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ мегардад
Дар Маркази тадқиқоти стратегӣ масъалаи рушди соҳибкорӣ ва бахши хусусиро баррасӣ намуданд
Тоҷикистон ва Созмони ҳамкории иқтисодӣ ва рушд дар бахши инфрасохтори роҳ ҳамкории минтақавиро густариш медиҳанд
ХУШКМЕВАҲОИ ТОҶИКИСТОН. Имсол аз Тоҷикистон беш аз 41 ҳазор тонна меваи хушк содирот шудааст
