Дар Вазорати рушди иқтисод ва савдо Барномаи саноатикунонии босуръати Ҷумҳурии Тоҷикистонро баррасӣ намуданд
ДУШАНБЕ, 01.12.2021 /АМИТ «Ховар»/. Дирӯз дар Вазорати рушди иқтисод ва савдо ҷаласаи ҷамъбастии Гурӯҳи кории байниидоравӣ оид ба гузаронидани мониторинг ва арзёбии ҷараёни иҷрои барномаҳои соҳавӣ ва минтақавӣ бо роҳбарии муовини Вазири рушди иқтисод ва савдо Фарҳод Восидиён баргузор гардид, ки дар он тибқи нақша се барнома мавриди баррасӣ қарор дода шуд, хабар доданд аз вазорат ба АМИТ «Ховар».
Дар ҷаласа «Барномаи саноатикунонии босуръати Ҷумҳурии Тоҷикистон барои солҳои 2020-2025», «Барномаи амнияти озуқавории Ҷумҳурии Тоҷикистон барои солҳои 2020-2024» ва Барномаи рушди соҳаи кирмакпарварӣ ва коркарди пилла дар Ҷумҳурии Тоҷикистон барои солҳои 2020-2024 мавриди баррасӣ қарор дода шуданд.
Оид ба ҷараёни иҷрои барномаҳои мазкур намояндагони вазоратҳои саноат ва технологияҳои нав, кишоварзӣ ва Агентии омори назди Президенти Ҷумҳурии Тоҷикистон сухан гуфтанд.
Бо мақсади дар сатҳи баланд таҳлил ва арзёбӣ намудани татбиқи барномаҳои соҳавӣ ва минтақавӣ ҳамасола фармоиши Вазорати рушди иқтисод ва савдои Ҷумҳурии Тоҷикистон «Дар бораи таъсис додани Гурӯҳи кории байниидоравӣ оид ба гузаронидани мониторинг ва арзёбии ҷараёни иҷрои барномаҳои соҳавӣ ва минтақавӣ» ва нақшаи кории он ба тасвиб мерасад.
Тибқи нақшаи тасдиқгардида, дар доираи фаъолияти Гурӯҳи кории байниидоравӣ оид ба гузаронидани таҳлил ва баҳодиҳии барномаҳои рушди соҳавию минтақавӣ дар соли 2021 10 ҷаласа баргузор гардида, ҷараёни иҷрои 27 барномаи соҳавӣ ва минтақавӣ мавриди муҳокима қарор дода шуд ва аз натиҷаи 22-тои он гузоришҳои дахлдор ба Ҳукумати Ҷумҳурии Тоҷикистон пешниҳод шуданд.
АКС: Вазорати рушди иқтисод ва савдо
Дар Душанбе масъалаи ҷалби сармоягузорӣ ба иқтисоди Тоҷикистон баррасӣ гардид
Дар Душанбе раванди татбиқи барномаи нави «Аз пиряхҳо то хоҷагидорон» баррасӣ гардид
Созишномаи иловагӣ оид ба сохтмон ва истифодаи корхонаи истеҳсоли техникаи маишии «Artel Avesto Electronics» ба имзо расид
Дар шаҳри Бӯстон мушкилии таъминот бо об бартараф гардид
Дар ноҳияи Зафаробод 12 пойгоҳи обкашӣ фаъолият дорад
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
