«35-СОЛАГИИ ИСТИҚЛОЛИЯТИ ДАВЛАТӢ». Таҳти ин унвон нақшаи чорабиниҳои мақомоти иҷроияи ҳокимияти давлатии шаҳри Душанбе таҳия гардида истодааст

Январь 13, 2022 13:13

ДУШАНБЕ, 13.01.2022. /АМИТ «Ховар»/. Раиси шаҳри Душанбе муҳтарам Рустами Эмомалӣ 12 январ дар ҷаласаи ҷамъбастӣ оид ба натиҷаҳои рушди иҷтимоию иқтисодии шаҳри Душанбе дар соли 2021  иброз доштанд, ки «дар Паёми навбатии Президенти мамлакат, Пешвои миллат муҳтарам Эмомалӣ Раҳмон дастур доданд, ки то соли 2026, яъне то ҷашни 35-солагии Истиқлолияти давлатӣ корҳои ободониву созандагӣ дар тамоми кишвар вусъат дода шаванд. Ба хотири иҷрои супориши Пешвои миллат мо нақша дорем, ки дар панҷ соли оянда шумораи ҷойҳои нави кориро ба 250 ҳазор расонем».

Рустами Эмомалӣ ҳамчунин таъкид намуданд, ки  ин ҳидоят мо ва сокинони масъулиятшиноси пойтахтро водор месозад, ки тамоми саъю кӯшишро ҷиҳати боз ҳам ободу зебо намудани пойтахти мамлакат  — шаҳри Душанбе, бунёди корхонаҳои нави саноатӣ ва таъсис додани ҷойҳои нави корӣ барои аҳолӣ равона созем.

Дар ин робита, ба муовини якум ва муовинон якҷо бо сохторҳои дахлдори Раиси шаҳр супориш дода шуд, ки дар муддати ду моҳ нақшаи чорабиниҳои «35-солагии Истиқлолияти давлатӣ»-ро бо баррасии ҳамаҷонибаи захираву имконияти мавҷуда ва ҷалби соҳибкорон ва шахсони ташаббускору эҳсонкор таҳия карда, барои тасдиқ ва иҷро пешниҳод намоянд.

Дар ҷаласаи мазкур Раиси шаҳри Душанбе муҳтарам Рустами Эмомалӣ дар мавриди  ба талаботи шаҳрсозӣ мутобиқ намудани инфрасохтори пойтахт таъкид намуданд, ки иншооту биноҳои шаҳр бояд бо усули замонавӣ ва бо дарназардошти санъати баланди меъмории миллӣ, зебо ва бо сифати баланд бунёд карда шаванд, то ба наслҳои оянда садсолаҳо хизмат расонанд.

— Дар ин робита кори комиссияҳои қабули давлатии иншооту биноҳо беҳбудиро тақозо менамояд, зеро аксар вақт биноҳо бе инобати роҳҳои зарурӣ, майдончаҳои бозии кӯдакон, шароит барои маъюбон, таваққуфгоҳҳо бунёд карда мешаванд. Вобаста ба ин, ба муовини якум ва сохторҳои дахлдор дастур дода шуд, ки ҷиҳати бартараф намудани камбудиҳои ҷойдошта тадбирҳо андешанд, — супориш доданд Раиси шаҳр.

Январь 13, 2022 13:13

Хабарҳои дигари ин бахш

Раиси шаҳри Душанбе аз сокинони пойтахт даъват ба амал оварданд, ки дар маъракаи эмкунӣ фаъол бошанд
Ба Душанбе барои санҷиши масолеҳи сохтмони роҳ аз Италия 110 дастгоҳи озмоишгоҳӣ ворид мегардад
Имрӯз дар Душанбе ҷаласа оид ба ҷамъбасти натиҷаҳои рушди иҷтимоию иқтисодии шаҳр дар соли 2021 баргузор гардид
ДАР ПАРТАВИ ПАЁМИ ПЕШВОИ МИЛЛАТ. Имрӯз дар Душанбе 8 адад электромобил ба истифода дода шуданд
Дар ноҳияи Шоҳмансури шаҳри Душанбе майдончаи варзишӣ ифтитоҳ ёфт
Дар ноҳияи Фирдавсии шаҳри Душанбе марказҳои хизматрасонӣ ба истифода дода шуданд
ФАРҲАНГ ДАР РУШДИ ИНСОН МАҚОМИ АРЗАНДА ДОРАД. Муовини Раиси шаҳри Душанбе Мавсума Муинӣ доир ба афзалияти соҳаи фарҳанги пойтахт ибрози андеша намуд
Доир ба имконоти сайёҳӣ, заминаҳои воқеӣ ва дурнамои рушди шаҳри Душанбе ҳамоиш доир шуд
Ба 2500 нафар кӯдакони ятиму бепарастори пойтахт аз номи Раиси шаҳри Душанбе Рустами Эмомалӣ туҳфаҳои солинавӣ тақдим гардиданд
Ба зиёда аз 11 ҳазор нафар ниёзмандон кумакҳои Раиси шаҳри Душанбе Рустами Эмомалӣ тақдим шуданд
Имрӯз дар пойтахт Иҷлосияи ҳаштуми Маҷлиси вакилони халқи шаҳри Душанбе, даъвати шашум баргузор гардид
Дар Душанбе барномаҳои фарҳангии солинавӣ дар доираи маҳдуд гузаронида мешаванд

Маводҳои таҳлилӣ