Аз шаҳру деҳоти Кӯлоб ба хориҷи Тоҷикистон беш аз 1050 тонна маҳсулоти кишоварзӣ содирот шудааст
ДУШАНБЕ, 11.02.2022 /АМИТ «Ховар»/. Тибқи маълумоти оморӣ, дар шаҳри Кӯлоб соли сипаригардида дар майдони 45,8 гектар кишти барвақтии картошка гузаронида шуд, ки баробар ба 26,2 фоизи нақша мебошад. Дар шаҳри Кӯлоб 23 адад гармхона мавҷуд аст, ки масоҳаташон 1,35 гектарро ташкил медиҳад. Соли гузашта аз шаҳру деҳоти Кӯлоб ба хориҷи мамлакат зиёда аз 1050 тонна ё баробари 100 фоизи нақша маҳсулоти кишоварзӣ содирот карда шуд. Дар ин бора 10 феврал иҷрокунандаи вазифаи раиси шаҳри Кӯлоб Бахтиёр Назарзода зимни нишасти матбуотӣ ба намояндагони воситаҳои ахбори омма иттилоъ дод.
Бахтиёр Назарзода афзуд, ки айни ҳол дар майдони 189,45 гектар 57 хоҷагии моҳипарварӣ ташкил карда шуда, дар онҳо 206,9 ҳазор дона моҳича парвариш ёфта истодааст.
Шумораи занбӯри асали хоҷагиҳо ба 6975 оила расонида шуда, истеҳсоли асал соли гузашта 119,5 тоннаро ташкил дод. Ҳаҷми умумии маҳсулоти кишоварзӣ 663,5 млн сомониро ташкил дод, ки назар ба соли 2020 16 млн сомонӣ зиёд буда, афзоиш 102,5 фоизро ташкил медиҳад.
«Соли 2021 бо мақсади татбиқи ҳадафи чоруми миллӣ — саноатикунонии босуръати мамлакат аз тамоми имконият пурсамар истифода намуда, 6 коргоҳи нав, аз ҷумла ҷӯроббофии «Ваҳдат-текстайл», дару тирезаҳои пластикӣ, истеҳсоли орд, обҳои ташнагишикан, дӯзандагӣ ва коркарди сангу шағал ба истифода дода шуданд. Дар минтақаи саноатии шаҳри Кӯлоб, ки майдони умумии он 6,9 гектарро ташкил медиҳад, бунёди 8 корхонаи истеҳсоли сангҳои ороишӣ, маҳсулоти сохтмонӣ, консерваи меваю сабзавот, гипсокардон, истеҳсоли ҳасиб ва ғайра идома дорад»,- иброз намуд Бахтиёр Назарзода
Дар нишаст зикр шуд, ки дар Минтақаи озоди иқтисодии «Кӯлоб» сохтмони корхонаҳои истеҳсолии қисмҳои эҳтиётии мошинҳо, коркарди намак, истеҳсоли равғани растанӣ ва набот ҷараён дорад. Тибқи таҳлилҳо, дар ин давра корхонаҳои саноатии шаҳр ба маблағи 309,7 млн сомонӣ маҳсулот истеҳсол кардаанд, ки нисбат ба як соли пеш 31,8 млн сомонӣ зиёд аст.
АКСҲО: мақомоти иҷроияи ҳокимияти давлатии шаҳри Кӯлоб
Тоҷикистон бо аморати Рас-ал-Хайма дар таҳияи барномаҳои зеҳни сунъӣ ҳамкориро тақвият мебахшад
МОҲИПАРВАРӢ АЗ ҶИҲАТИ ДАРОМАДНОКӢ ДАР ҶОЙИ АВВАЛ МЕИСТАД. Бадахшон метавонад дар парвариши гулмоҳӣ пешсаф гардад
Ҳамкории Тоҷикистон ва Нидерланд дар татбиқи Рӯзномаи амал оид ба об дар Ню-Йорк баррасӣ шуд
Дар шафати роҳҳои Тоҷикистон 30 адад нуқтаҳои баркашӣ бо тарозуҳои статсионарӣ, динамикӣ ва мобилӣ муҷаҳҳаз фаъолият доранд
Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОАТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
