28 нафар хонандагони тоҷик ба олимпиадаи «ISTEM» роҳхат гирифтанд
ДУШАНБЕ, 28.03.2022 /АМИТ «Ховар»/. Аз 48 нафар толибилмони Литсей барои хонандагони болаёқат дар шаҳри Хуҷанд 28 нафари он ба даври финалии олимпиадаи бонуфузи «ISTEM», ки 19-24 июли соли равон дар шаҳри Франкфурти Олмон баргузор мегардад, роҳхат гирифтанд, иттилоъ дод корманди Хадамоти матбуоти Раиси вилояти Суғд Андар Раҳмонӣ ба АМИТ «Ховар».
Ёдовар мешавем, ки даҳаи дуюми моҳи феврали соли равон даври муқаддамотии олимпиадаи бонуфузи «ISTEM» тариқи фосилавӣ аз фанни математика бо забони англисӣ баргузор гардид, ки дар он 48 нафар толибилмони Литсей барои хонандагони болаёқат дар шаҳри Хуҷанд иштирок намуданд.
Ҳафтаи ҷорӣ аз ҷониби кумитаи тадорукоти озмун натиҷаи бадастовардаи хонандагони болаёқат расман эълон гардид. Дар натиҷаи ҷамъбасти даври муқадамотӣ ба 28 нафар хонандагони ин боргоҳи таълимӣ муяссар гардид, ки ба даври финалии озмун, ки 19-24 июли соли равон дар шаҳри Франкфурти кишвари Олмон баргузор мегардад, роҳхат гиранд. Дар ин олимпиадаи бонуфуз беш аз 8000 нафар хонандагон аз 96 давлати дунё иштирок меварзанд.
Ба иттилои маъмурияти Литсей барои хонандагони болаёқат дар шаҳри Хуҷанд, дар соли хониши 2021-2022 хонандагони литсей бори сеюм аст, ки тариқи ҳузурӣ дар олимпиадаҳои ҷаҳонӣ иштирок мекунанд.
Мавриди зикр аст, ки баъд аз беҳтар шудани вазъи пандемия нахустин бор хонандагони Литсей тариқи ҳузурӣ дар олимпиадаи ҷаҳонии «Дониш»- и Туркия иштирок намуда, бо ба даст овардани 100 хол аз 100 холи имконпазир рекорди олимпиадаи мазкурро гузоштанд.
Моҳи январи имсол дар олимпиадаи «Коперникус» дар шаҳри Техаси кишвари Амрико 6 нафар хонандагони Литсей ҳузурӣ иштирок намуда, ҷоми даставиро аз фанни физика ба даст оварда, соҳиби 6 медали нуқра ва биринҷӣ гардида буданд.
АКС: Хадамоти матбуоти Раиси в. Суғд
Байни хонандагони муассисаҳои таълимии пойтахт озмуни шаҳрии «Тоҷи сари ҷумла ҳунарҳост илм» идома дорад
Хонандаи тоҷик дар мусобиқаи байналмилалӣ соҳиби медали тилло гардид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Дар Донишгоҳи давлатии Хоруғ Маркази омӯзиши ташаббусҳои глобалии Президенти Ҷумҳурии Тоҷикистон оид ба масъалаҳои обу иқлим ифтитоҳ ёфт
Саҳми донишманди барҷастаи тоҷик Абӯрайҳони Берунӣ дар инкишофи илму техника назаррас аст. Эҳдо ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф»
Президенти Тоҷикистон: «13 ҳазор нафар духтарони тоҷик дар давлатҳои хориҷӣ таҳсил менамоянд»
Дар Коллеҷи тиббии шаҳри Хуҷанд оид ба нақши Модар ҳамчун сарчашмаи зиндагӣ ҳамоиши идона доир шуд
Зиёда аз 14 ҳазор духтарон тибқи квотаи президентӣ муассисаҳои таҳсилоти олиро хатм намуда, ба нафъи давлату ҷомеа фаъолият доранд
Дар Кумитаи меъморӣ ва сохтмон оид ба арҷгузорӣ ба хизматҳои Зан-Модар ҳамоиши идона доир гардид
Дар Бохтар доир ба нақши технологияҳои рақамӣ дар воситаҳои ахбори омма конференсияи илмӣ-амалӣ баргузор гардид
Бахшида ба Рӯзи Модар дар Душанбе чорабинии сиёсӣ – фарҳангӣ таҳти унвони «Модар фариштаи меҳру шафқат» доир гардид
Гулнора Ҳоҷиева: «Барои ихтирои «Чордору» се сол пажуҳиш намудаам»
