Виктор Ким: Ҳукумати Тоҷикистон дар мубориза бо буҳрон ва андешидани тадбирҳои зарурии зиддибуҳронӣ таҷрибаи кофӣ дорад
ДУШАНБЕ, 30.03.2022 /АМИТ «Ховар»/. Солҳои соҳибистиқлолӣ Тоҷикистон борҳо ба ҳолатҳои буҳронӣ дучор шуда, имрӯз Ҳукумат дар мубориза бо онҳо, андешидани тадбирҳои зарурии зиддибуҳронӣ ва ҳалли мушкилоти бамиёномада таҷрибаи кофӣ дорад. Дар ин бора ходими хурди илмии Институти фалсафа, сиёсатшиносӣ ва ҳуқуқи Академияи миллии илмҳои Тоҷикистон Виктор КИМ зимни суҳбат бо хабарнигори АМИТ «Ховар» Елена БАТЕНКОВА иброз дошт.
Ба андешаи ӯ, агар бисёре аз кишварҳои ҷаҳон танҳо бо мушкили зинда мондан дар шароити буҳронӣ рӯбарӯ шуда бошанд, пас дар Тоҷикистон аллакай дақиқ дарк мекунанд, ки дар сатҳи Ҳукумат ва ҷомеа чӣ корҳо бояд анҷом дода шаванд.
«Яъне, дар ҳоле, ки дигар кишварҳо талош доранд, дар давраи буҳронӣ наҷот ёбанд, Тоҷикистон аллакай ба он масуният пайдо кардааст», — тазаккур дод Виктор Ким.
Ба эътиқоди ӯ, набояд интизор шуд, ки дар Тоҷикистон ягон навъи буҳрони амиқи иқтисодӣ ё ғизоӣ ба вуҷуд меояд, ин фикрест, ки бо ақидаҳои маъмулӣ мувофиқат намекунад.
«Аввалан, шаҳрвандони кишвар аз ҷиҳати равонӣ барои ҳалли мушкилоте, ки дар пасманзари буҳронҳои муайян ба миён меоянд, омодаанд. Ин аз ҳама муҳим аст. Барои воҳима сабабе нест. Чаро? Зеро солҳои зиёд аст, ки Ҳукумати кишвар барои ҳар 2-3 сол маҳсулоти зарурӣ захира мекунад. Сониян, бо боварӣ метавон гуфт, ки ба шарофати рушди соҳаи кишоварзӣ аҳолӣ ба маҳсулоти хоҷагии қишлоқ эҳтиёҷ нахоҳад дошт», — шарҳ дод ходими хурди илмии Институти фалсафа, сиёсатшиносӣ ва ҳуқуқ.
Дар аксар давлатҳо, аз ҷумла Тоҷикистон якчанд тадбирҳои зиддибуҳронӣ андешида шуданд.
Ба иттилои Вазорати рушди иқтисод ва савдои кишвар, пас аз ҷорӣ гардидани бастаи таҳримҳои иқтисодии кишварҳои Ғарб нисбат ба баъзе шарикони асосии тиҷоратӣ дар Тоҷикистон Ситоди байниидоравӣ оид ба пешгирии таъсири хавфҳои эҳтимолӣ ба иқтисоди миллӣ таъсис дода шуд.
АКС: АМИТ «Ховар»
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
