Ҷаласаи навбатии Ассамблеяи байнипарлумонии кишварҳои узви ИДМ дар Тошканд баргузор мешавад
ДУШАНБЕ, 31.03.2022 /АМИТ «Ховар»/. Ҷаласаи навбатии Шӯрои Ассамблеяи байнипарлумонии Иттиҳоди Давлатҳои Мустақил (АБ ИДМ) тирамоҳи соли равон дар Тошканд баргузор мешавад. Дар ин бора Раиси Сенати Маҷлиси Олии Ҷумҳурии Узбекистон Танзила Норбоева 29 март дар ҷаласаи бошукӯҳи АБ ИДМ бахшида ба 30-солагии таъсиси АБ, ки дар Алмаато гузашт, ибрози назар намуд.
Тавре АМИТ «Ховар» қаблан хабар дода буд, ҳайати парлумонии Тоҷикистон таҳти сарварии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи тантанавии АБ ИДМ дар шаҳри Алмаато ширкат варзиданд. Ҷаласа таҳти раёсати раиси АБ ИДМ, раиси Шӯрои Федератсияи Маҷлиси Федералии Федератсияи Русия Валентина Матвиенко баргузор гардид.
Раиси палатаи болоии Парлумони Ҷумҳурии Тоҷикистон дар ҷаласа суханронӣ намуда, паёми шодбошии Президенти Тоҷикистон, Пешвои миллат муҳтарам Эмомалӣ Раҳмонро ба иштирокчиёни ҷаласаи тантанавии АБ ИДМ расониданд.
Рустами Эмомалӣ иброз намуданд, ки «Тоҷикистон ба фаъолияти АБ ИДМ аҳамияти хосса медиҳад ва палатаҳои Маҷлиси Олӣ бо сохторҳои Ассамблея ҳамкории густурда ба роҳ мондаанд. Дар ин давра мо сиғаи Ассамблеяро барои таҳкими равобити сиёсӣ, иқтисодӣ ва фарҳангии байни кишварҳо, нигоҳдорӣ ва амиқтар кардани робитаҳои дуҷониба ва бисёрҷониба бо кишварҳои узви ИДМ фаъолона истифода намудем».
Рустами Эмомалӣ зимни суханронӣ дар нишаст гуфтанд, ки тайи 30 сол АБ ИДМ аҳамият ва афзалияти худро ҳамчун шакли универсалии ҳамкории байнипарлумонӣ собит карда, имрӯз ҳамчун сохтори муассири байнипарлумонӣ эътироф шудааст.
«Тоҷикистон ба фаъолияти АБ ИДМ аҳамияти хосса дода, палатаҳои Маҷлиси Олӣ бо сохторҳои Ассамблея ҳамкории васеъ ба роҳ мондаанд. Дар ин давра мо аз сиғаи Ассамблея барои таҳкими равобити сиёсӣ, иқтисодӣ ва фарҳангии байни кишварҳо, нигоҳдорӣ ва амиқтар кардани робитаҳои дуҷониба ва бисёрҷониба бо кишварҳои узви ИДМ фаъолона истифода кардем», — гуфтанд мавсуф.
Ёдовар мешавем, ки Созишнома дар бораи таъсиси Ассамблеяи байнипарлумонии ИДМ 27 марти соли 1992 аз ҷониби раисони парлумонҳои Русия, Беларус, Қазоқистон, Узбекистон, Қирғизистон, Тоҷикистон ва Арманистон имзо шуда буд. Баъдан Молдова ва Озарбойҷон ба ин созишнома ҳамроҳ шуданд.
АКС: Тоҳири Саид/АМИТ «Ховар»
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар доираи Ассамблеяи байнипарлумонии ИДМ ташаббуси Парлумони Тоҷикистон оид ба таҳияи ду қонуни намунавӣ тасдиқ шуд
Оид ба эълон намудани «Даҳсолаи байналмилалии таҳкими сулҳ ба хотири наслҳои оянда» ҳамоиш доир гардид
Дар иҷлосияи навбатӣ ба якчанд қонун тағйиру иловаҳо ворид карда шуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати парлумони Тоҷикистон дар ҷаласаи Комиссияи доимии Ассамблеяи байнипарлумонии ИДМ иштирок намуд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон даъвати ҳафтум баргузор гардид
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор шуд
Давлатҳои ИДМ низоми назорати сифати хизматрасониҳои тиббӣ ва хайрияи хунро такмил медиҳанд
Пагоҳ иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
