БИСТСОЛАИ ОМӮЗИШ ВА РУШДИ ИЛМҲОИ ДАҚИҚ ВА РИЁЗӢ ДАР СОҲАИ ИЛМУ МАОРИФ. Бори аввал дар ДМТ олимпиадаи байналмилалӣ аз фанни физика оғоз гардид
ДУШАНБЕ, 29.03.2022. /АМИТ «Ховар»/. 29 март бо ташаббуси Донишгоҳи миллии Тоҷикистон дар партави эълон гардидани «Бистсолаи омӯзиш ва рушди илмҳои дақиқ ва риёзӣ дар соҳаи илму маориф» барои солҳои 2020-2040 бори аввал олимпиадаи байналмилалӣ аз фанни физика оғоз гардид, ки дар он 60 нафар донишҷӯён аз ҷумҳуриҳои Тоҷикистон, Узбекистон, Қазоқистон, Афғонистон ва Федератсияи Русия иштирок доранд.
Тавре мудири маркази иттилоотӣ-таҳлилии Донишгоҳи миллии Тоҷикистон хабар дод, имрӯз зимни ифтитоҳи олимпиадаи мазкур муовини Сарвазири Ҷумҳурии Тоҷикистон Матлубахон Сатториён, муовини Вазири маориф ва илми Ҷумҳурии Тоҷикистон Лутфия Абдухолиқзода, Ректори Донишгоҳи миллии Тоҷикистон Қобилҷон Хушвақтзода ва дигар шахсони масъул иштирок ва суханронӣ намуданд.
Зикр шуд, ки таърихи илму фарҳанги халқи соҳибтамаддуни тоҷик саҳифаҳои бузурги таърихи илми башарро ташкил дода, намояндагони ин миллати соҳибтамаддун аз замони дури таърих дар масири рушди илму фалсафа, омӯзиши илмҳои дақиқу табиатшиносӣ ва пажӯҳиши табиату кайҳон саҳми бузург гузоштаанд.
Эълон шудани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» аз ҷониби Пешвои миллат боиси густариш ёфтани илмҳои табиатшиносӣ, дақиқ ва риёзӣ мегардад.
Тазаккур дода шуд, ки солҳои охир таваҷҷуҳи ҷавонон ба илмҳои дақиқ, хусусан илмҳои физикаю математика бештар мушоҳида гардида, иштироки онҳо дар олимпиадаҳои байналмилалӣ низ зиёд ба назар мерасад.
Ин аст, ки чанде пеш дар шаҳри Могилёви Ҷумҳурии Беларус олимпиадаи 12-уми байналмилалӣ аз фанни математика доир гардид ва дар он донишҷӯёни факултети механикаю математикаи донишгоҳ иштирок намуда, соҳиби ҷойҳои ифтихорӣ гаштанд.
Тавре иттилоъ дода шуд, имрӯз баъди маросими ифтитоҳи расмии олимпиада дар факултети физикаи Донишгоҳи миллӣ олимпиадаи байналмилалӣ аз фанни физика оғоз гардид.
Тибқи талаботи олимпиада, саволномаҳо бо се забон: тоҷикӣ, русӣ ва англисӣ омода шуда, муҳлати ҳалли масъалаҳо чор соат муайян шудааст.
Натиҷаи олимпиада пагоҳ, 30 март эълон мегардад.
АКСҲО: ДМТ
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
