Дар деҳаи Балхобии ноҳияи Муъминобод муассисаи таҳсилоти миёнаи асосии №38 мавриди баҳрабардорӣ қарор дода шуд
ДУШАНБЕ, 27.03.2022 /АМИТ «Ховар»/. 24 март дар доираи таҷлили ҷашни Наврӯзи байналмилалӣ дар деҳаи Балхобии ноҳияи Муъминобод муассисаи таҳсилоти миёнаи асосии №38 мавриди баҳрабардорӣ қарор дода шуд. Дар ин бора АМИТ «Ховар» бо истинод ба мақомоти иҷроияи ҳокимияти давлатии вилояти Хатлон хабар медиҳад.
Дар маросими ифтитоҳи муассисаи мазкур муовини раиси вилояти Хатлон Фирӯза Шарифӣ, раиси ноҳияи Муъминобод Лутфия Шарифзода, сардори Раёсати маорифи вилояти Хатлон Ғазалшоҳ Сафарзода, Сафири Ҷопон дар Тоҷикистон, намояндаи барномаи СММ дар Тоҷикистон, намояндагони ВАО ва дигар масъулин иштирок намуданд.
Раиси ноҳия Лутфия Шарифзода аз таваҷҷуҳи пайвастаи Сарвари давлат муҳтарам Эмомалӣ Раҳмон ба соҳаи маориф ва дигар соҳаҳои хоҷагии халқи мамлакат ёдоварӣ карда, тазаккур дод, ки бо саҳми шарикони рушд имрӯз дар Муъминобод як мактаби дигар мавриди ифтитоҳ қарор гирифт.
Муовини раиси вилояти Хатлон Фирӯза Шарифӣ иброз дошт, ки ин ҳама дастовардҳо, пеш аз ҳама, аз сулҳу субот ва сиёсати пешгирифтаи ватанпарваронаю ватандӯстонаи Пешвои миллат муҳтарам Эмомалӣ Раҳмон сарчашма мегиранд.
«Дар вилояти Хатон тантанаҳои Наврӯзӣ идома доранд ва чанд рӯз пеш бо иштироки Сарвари давлат муҳтарам Эмомалӣ Раҳмон дар шаҳру ноҳияҳои минтақаи Бохтари вилояти Хатлон якчанд корхонаҳои саноатӣ ва мактабу дигар коргоҳҳо мавриди истифода қарор дода шуданд, ки мову шумо шоҳиди он будем», — гуфт ӯ.
Сафири Ҷопон ва намояндаи СММ низ оид ба барномаи худ дар роҳандозӣ ва кумак дар соҳаи маориф ибрози назар намуда, илова карданд, ки минбаъд низ дар доираи ҳамкорӣ бо Ҳукумати Ҷумҳурии Тоҷикистон кори худро дар татбиқи лоиҳаҳо дар самти рушди маориф ва дигар паҳлуҳо идома медиҳанд.
Тибқи маълумот, бинои пешинаи муассисаи мазкур, ки соли 1985 сохта шуда буд, дар ҳолати садамавӣ ва дар роҳи сойи селгузар ҷойгир буд. Бо пешниҳоди лоиҳа аз тарафи ҳукумати ноҳия ба Сафорати Ҷопон сохтмони он аз соли 2021 шурӯъ шуда, дар рӯзҳои таҷлили Наврӯзи байналмилалӣ мавриди истифода қарор гирифт.
Дар муассисаи мазкур айни ҳол 63 нафар хонандагон таҳсил мекунанд ва он барои 144 ҷойи нишаст дар як басти таҳсил сохта шудааст.
Дар назар аст, ки соли ояндаи таҳсил он ба муассисаи таҳсилоти миёнаи умумӣ табдил дода шавад.
Дар доираи маросими ифтитоҳи муассисаи мазкур меҳмонон ҳамчунин аз дастовезу ҳунарҳои мардумии бонувони Ҷамоати деҳоти Балхобӣ дидан намуданд.
Аз тарафи шуъбаи фарҳанги ҷамоат барномаи консертӣ пешкаши иштирокчиён гардонида шуд.
АКСҲО: мақомоти иҷроияи ҳокимияти давлатии вилояти Хатлон
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
