Дар Душанбе масъалаи таъсиси корхонаҳои муштараки истеҳсолии Тоҷикистон ва Кореяро баррасӣ намуданд
ДУШАНБЕ, 05.03.2022 /АМИТ «Ховар»/. Масъалаи таъсиси корхонаҳои муштараки истеҳсолии Тоҷикистон ва Корея, аз ҷумла дар ҳудуди минтақаҳои озоди иқтисодии кишвар 3 март зимни мулоқоти Вазири рушди иқтисод ва савдо Завқӣ Завқизода бо Раиси Кумитаи ҳамкории шимолии иқтисодии назди Президенти Ҷумҳурии Корея Пак Чон Сум баррасӣ гардид.
Тавре дар Вазорати рушди иқтисод ва савдо ба АМИТ «Ховар» хабар доданд, зимни мулоқот ҳамчунин ҷонибҳо оид ба густариши ҳамкорӣ дар соҳаҳои тиҷорату иқтисод, рақамикунонӣ, тиҷорати электронӣ, саноат, кишоварзӣ, сармоягузорӣ, муҳоҷират, афзоиши ҳаҷми содирот, пеш аз ҳама, маҳсулоти кишоварзии аз ҷиҳати экологӣ тозаи Тоҷикистон ба Корея ва рушди минбаъдаи робитаҳои иҷтимоиву иқтисодӣ ба мувофиқа расиданд.
Инчунин вобаста ба таъсиси корхонаҳои муштараки истеҳсолӣ дар Тоҷикистон, аз ҷумла дар ҳудуди минтақаҳои озоди иқтисодии кишвар ва ҷудо намудани маблағҳои грантии ҷониби Корея барои татбиқи лоиҳаҳои афзалиятноки Тоҷикистон, бахусус дар самти татбиқи иқтисоди рақамӣ, энергетика ва ғайраҳо мубодилаи афкор сурат гирифт.
Дар фарҷом ҷонибҳо омодагии худро ҷиҳати густариши ҳамкории мутақобилан судманд ва татбиқи масъалаҳои зикргардида изҳор намуданд.
АКС: Вазорати рушди иқтисод ва савдои ҶТ
Иштирокчиёни Форуми сайёҳии «Суғд — чорроҳаи Роҳи бузурги Абрешим» Қалъаи Хуҷандро тамошо намуданд
Тоҷикистон барои сохтмони марказҳои агрологистикӣ хостори ҷалби сармоя аз Арабистони Саудӣ мебошад
Масоили марбут ба бунёди иншооти муҳими стратегӣ дар Тоҷикистон бо ҷалби сармояи Корея баррасӣ шуд
Дар Палатаи ҳисоб бо иштироки роҳбарони мақомоти олии аудити давлатҳои аъзои СҲШ ҳамоиш доир шуд
Тоҷикистон ва Эрон хостори таҳкими ҳамкории саноатӣ гардиданд
Ҷаласаи чоруми Комиссияи муштараки байниҳукуматӣ оид ба ҳамкории иқтисодию тиҷоратии Тоҷикистону Арманистон баргузор мегардад
Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
Дар Душанбе гузариш ба иқтисоди «сабз» ва истифодаи оқилонаи захираҳои ангишт баррасӣ гардид
Дар ноҳияи Спитамен дар 6490 гектар пунбадона кишт карда мешавад
Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
Лоиҳаи «Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» баррасӣ гардид
Дурнамои тақвияти ҳамкории иқтисодии Тоҷикистон ва Эрон баррасӣ гардид
