Намояндаи махсуси ИА Тери Ҳакала: Тоҷикистон яке аз шарикони боэътимод дар Осиёи Марказист
ДУШАНБЕ, 02.03.2022 /АМИТ «Ховар»/. Зимни мулоқоти Раиси вилояти Суғд бо Намояндаи махсуси Иттиҳоди Аврупо оид ба Осиёи Марказӣ Тери Ҳакала меҳмон Тоҷикистонро яке аз шарикони боэътимод дар Осиёи Марказӣ дониста, иброз дошт, ки қариб 30 сол мешавад миёни Иттиҳоди Аврупо ва Ҷумҳурии Тоҷикистон ҳамкорӣ дар самтҳои гуногун ба роҳ монда шудааст, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Раҷаббой Аҳмадзода иброз намуд, ки Ҷумҳурии Тоҷикистон аз солҳои аввали соҳибистиқлолӣ бо Иттиҳоди Аврупо ҳамкории густарда ба роҳ монда, миёни сохторҳои Тоҷикистон ва ин ташкилоти байналмилалӣ робитаҳои гуногунҷанба мавҷуданд. Дар мамлакат ба соҳаи саноат таваҷҷуҳи махсус зоҳир гардида, аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2022-2026 Солҳои рушди саноат эълон шудаанд.
«Дар ин самт вилояти Суғд ҳавасманд аст, ки ҳамкориро бо ташкилоти байналмилалӣ ва сармоягузорони хориҷӣ тақвият бахшида, бо истифода аз имконоти мавҷуда корхонаҳои нави саноатӣ бунёд, аҳолиро бо ҷойи кор таъмин ва сатҳи зиндагии мардумро боз ҳам беҳтар намояд», — гуфт раиси вилоят.
Ҳамзамон ҷонибҳо аз тақвияти равобит ва татбиқи лоиҳаҳо дар самти бунёди иншооти соҳаҳои маорифу тандурустӣ, соҳибкасб намудани калонсолон, таъмини дастрасии аҳолӣ ба оби нӯшокӣ ва оби полезӣ, воридсозии технологияҳои нав изҳори қаноатмандӣ намуда, омодагии худро ҷиҳати амалисозии лоиҳаҳои нав иброз доштанд.
АКС: хадамоти матбуоти Раиси в. Суғд
Дар Душанбе ҷаласаи 82-юми Шурои маъмуриятҳои роҳҳои оҳани Иттиҳоди Давлатҳои Мустақил оғоз гардид
Ҳайати «Амонатбонк» дар ҷаласаи Шурои сарони бонкҳои аъзои Иттиҳоди байнибонкии СҲШ иштирок намуд
Дар Душанбе дурнамои ҳамкории Тоҷикистон ва Арманистон дар соҳаи нақлиёт баррасӣ гардид
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
