Осорхонаи миллии Тоҷикистон барои хонандагони то синфи 4 Рӯзи дарҳои кушод доир менамояд
ДУШАНБЕ, 02.04.2022 /АМИТ «Ховар»/. Осорхонаи миллии Тоҷикистон минбаъд шанбеи охири ҳар моҳ барои хонандагони то синфи 4-и муассисаҳои таълимии мамлакат ба таври ройгон Рӯзи дарҳои кушод доир менамояд.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иброз намуд, роҳбарияти Осорхонаи миллии Тоҷикистон ин иқдомро ба амалӣ намудани дастуру ҳидоятҳои пайвастаи Пешвои миллат — дар рӯҳияи арзишҳои суннатию башарӣ тарбия намудани кӯдакон ва наврасон равона намудааст.
Хонандагони то синфи 4-и муассисаҳои таълимии мамлакат имкон доранд шанбеи охири ҳар моҳ ба Осорхонаи миллӣ ройгон ворид гардида, ба воситаи толорҳои намоишии он бо саҳифаҳои дурахшони гузаштаи миллати тоҷик аз наздик шинос шаванд.
Ҳадаф аз иқдоми мазкур – ин, пеш аз ҳама, шинос гардидани кӯдакону наврасон бо таъриху тамаддун, ёдгориҳои таърихии кишвар марбут ба асрҳои гуногун, осори фарҳангиву ҳунармандии қадимӣ ва санъати нотакрори миллати тоҷик мебошад.
Ҳамчунин ба ин восита рӯҳияи ватандӯстӣ, худогоҳиву хештаншиносӣ ва забондонии кӯдакон дар ҷомеа баланд бардошта шуда, арзишҳои миллӣ ва ҳифзу тарғиби осори таърихиву фарҳангии ниёгон эҳё мегардад.
АКС: Осорхонаи миллии Тоҷикистон
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
