ПАНҶСОЛАИ РУШДИ САНОАТ. Дар Турсунзода 21 корхонаю коргоҳи истеҳсолӣ ба истифода дода мешаванд
ТУРСУНЗОДА, 25.04.2022 /АМИТ «Ховар»/. Ҷиҳати дар сатҳи баланд пешвоз гирифтани ҷашни 35-солагии Истиқлоли давлатии Ҷумҳурии Тоҷикистон ва бахшида ба Солҳои рушди саноат Мақомоти иҷроияи ҳокимияти давлатии шаҳри Турсунзода бо дастгирии соҳибкорону сокинони шаҳр бунёди 398 иншооти дорои аҳамияти иҷтимоию фарҳангӣ ва иқтисодиро ба нақша гирифтааст, ки аз ин шумора 21 адад корхонаю коргоҳҳои истеҳсолӣ, 32 адад иншооти соҳаи тандурустӣ, 28 адад иншооти соҳаи варзиш, 34 адад марказҳои хизматрасонӣ ва дигар биноҳо мебошанд. Дар ин бора хабарнигори минтақавии АМИТ «Ховар» Субҳониддини МАҲМУД иттилоъ дод.
Тавре мудири бахши меъмории шаҳри Турсунзода Файзулло Раҳимов хабар дод, он яке аз шаҳрҳои саноатии ҷумҳурӣ ба шумор рафта, имрӯзҳо дар он 51 корхонаи саноатӣ фаъолият менамоянд, ки дар иҷрои ҳадафи чоруми стратегии мамлакат- саноатикунонии босуръати Тоҷикистон нақши асосӣ доранд.
Дар се моҳи соли равон ҳаҷми истеҳсоли маҳсулоти саноатӣ дар шаҳри Турсунзода 247 миллион сомониро ташкил дод, ки нисбат ба ҳамин давраи соли гузашта 27 миллион сомонӣ зиёд мебошад.
Тибқи иттилои масъулини Муассисаи давлатии нигоҳдории роҳҳои автомобилгарди шаҳри Турсунзода, то ҷашни пурифтихори 35-солагии Истиқлоли давлатӣ дар 45 мавзеъ ба миқдори 130 километр роҳҳо таъмири асосӣ шуда, ҳамзамон сохтмони 6 пули мошингузар ба нақша гирифта шудааст.
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат корхонаи «Роял Бебӣ Тоҷикистон»-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар шаҳри Ваҳдат ба фаъолияти ҶДММ «Зиннат Гач» оғоз бахшиданд
Пешвои миллат Эмомалӣ Раҳмон дар шаҳри Ваҳдат корхонаи истеҳсоли хишти Ҷамъияти дорои масъулияти маҳдуди «Талант»-ро ба истифода доданд
Дар Шуғнон корхонаи нави истеҳсоли асфалт ба фаъолият оғоз кард
Дар Хоруғ корхонаи истеҳсоли макарон бунёд карда мешавад
Ҳайати Тоҷикистон бо намояндагони шуъбаи кафолатҳои Агентии байналмилалии неруи атомӣ мулоқот намуд
СОЛҲОИ РУШДИ САНОАТ. Дар Суғд корхонаи ғанигардонии маъдани оҳан бунёд мегардад
Дар вилояти Суғд соҳаи саноати кӯҳӣ рушд меёбад
Дар Панҷакент корхонаи истеҳсоли сурма бунёд карда мешавад
Дар доираи Солҳои рушди саноат дар Мурғоб корхонаи истеҳсоли ғизои моҳӣ бунёд карда мешавад
СОЛҲОИ РУШДИ САНОАТ. Дар ноҳияи Ашт шумораи корхонаҳои саноатӣ меафзояд
Байни Тоҷикистон ва Амороти Муттаҳидаи Араб Созишномаи стратегӣ оид ба ҳамкорӣ дар соҳаи зеҳни сунъӣ ба имзо расид
