Раиси вилояти Суғд бо фаъолияти корхонаи заргарӣ дар шаҳри Бӯстон шинос шуд

Апрель 2, 2022 09:29

ДУШАНБЕ, 02.04.2022 /АМИТ «Ховар»/. Раиси вилояти Суғд Раҷаббой Аҳмадзода дар шаҳри Бӯстон бо фаъолияти корхонаи заргарии «Зари Суғд» шинос шуд, хабар медиҳад АМИТ «Ховар» ба истинод ба Хадамоти матбуоти Раиси вилояти Суғд.

Корхонаи заргарии «Зари Суғд» истеҳсоли маҳсулоти заргарӣ, армуғонҳои гуногун, нишонҳои сарисинагӣ, нимпайкара, қолабҳои гуногуни металлиро роҳандозӣ намуда, инчунин аз  сангҳои ороишӣ туҳфаву армуғон омода месозад.

Бояд гуфт, ки Корхонаи мазкур зертобеи Корхонаи воҳиди давлатии «Фулузоти нодири Тоҷикистон» буда, солиёни зиёд кӯҳнаву фарсуда ва бекор буд. Баъди эълони иқдоми саноатикунонии босуръати мамлакат чун ҳадафи чоруми стратегӣ «Зари Суғд» пурра навсозӣ гардида, барои истеҳсоли маҳсулоти аълосифат бо дастгоҳҳои нави корӣ таъмин карда шуд. Корхона моҳи феврали соли равон бо иштироки Пешвои миллат муҳтарам Эмомалӣ Раҳмон мавриди истифода қарор гирифт.

Тамоми дастгоҳу таҷҳизоте, ки дар доираи корҳои навсозӣ дар корхона  насб гаридаанд, истеҳсоли Туркия ва Федератсияи Русия буда, чунин шароит имконият медиҳад, ки маҳсулоти ниҳоӣ бо сифати баланд омода гардад.


Дар ҳудуди корхона сехҳои заргарӣ, зарҳалкорӣ, қолабомодакунӣ,  сехи механикӣ ва анбори алоҳидаи нигоҳдории маҳсулоти тайёр ташкил гардида, дар маҷмӯъ 30 нафар соҳиби ҷои кори доимӣ гардидаанд. Дар корхона асосан хатмкардаҳои Донишкадаи  кӯҳию  металлургии Тоҷикистон,  ки дар шаҳри Бӯстон фаъолият менамоянд, ба кор ҷалб шудаанд.

Корхонаи заргарии «Зари Суғд» пурра бо ашёи хоми маҳаллӣ  фаъолият намуда, маҳсулоти ивазкунандаи воридотро ба бозорҳои мамлакат пешниҳод менамояд. Инчунин коргарон мақсад доранд, ки маснуоти заргарии истеҳсолнамудаи корхона ва маҳсулоти аз сангҳои ороишӣ омодагаштаро дар навбати аввал ба мамлакатҳои ҳамсоя содирот намоянд.

Раиси вилоят пас аз шиносоӣ барои тавсеаи фаъолияти корхона, омӯзиши бозори минтақа, содироти маҳсулот тавсияҳои судманд дод.

АКСҲО: Хадамоти матбуоти Раиси вилояти Суғд

Апрель 2, 2022 09:29

Хабарҳои дигари ин бахш

Байни Тоҷикистон ва Амороти Муттаҳидаи Араб Созишномаи стратегӣ оид ба ҳамкорӣ дар соҳаи зеҳни сунъӣ ба имзо расид
Дар Душанбе омодагӣ ба Конфронси навбатии Осиёи Марказӣ оид ба тағйирёбии иқлим баррасӣ шуд
Тоҷикистон ва Чин бо имзои Ёддошти тафоҳум ҳамкориро дар соҳаи иқтисодиёти рақамӣ густариш медиҳанд
Дар Қазоқистон намоиш-фурӯши маҳсулоти кишоварзии Тоҷикистон доир мегардад
Тоҷикистон ва Чин ҳамкориро дар соҳаи саноати кӯҳкорӣ ва технологияҳои нав тақвият медиҳанд
Ба ифтихори Рӯзи авиатсияи тоҷик дар Душанбе ҷамъомади тантанавӣ баргузор шуд
Кормандони «Саноатсодиротбонк» бо медали «Хизмати шоиста» қадрдонӣ гардиданд
Дар Тоҷикистон беш аз 35 ҳазор тонна пахта ҷамъоварӣ карда шудааст
ИМРӮЗ — РӮЗИ АВИАТСИЯИ ГРАЖДАНӢ. Тоҷикистон дар бахши ҳавонавардӣ бо 30 давлати ҷаҳон созишномаи ҳамкорӣ ба имзо расонидааст
Кишоварзони ноҳияи Мастчоҳ имсол беш аз 31 ҳазор тонна пахта ҷамъоварӣ менамоянд
Имконияти сармоягузории ширкати «Sinosure»-и Чин ба соҳаи энергетикаи Тоҷикистон баррасӣ карда шуд
Дар Душанбе Атласи тағйирёбии муҳити зисти Ҷумҳурии Тоҷикистон муаррифӣ гардид