Дар муассисаҳои таҳсилотии ноҳияи Восеъ машваратҳои таълимӣ ҷараён доранд
ВОСЕЪ, 15.05.2022. /АМИТ «Ховар»/. Бо мақсади расонидани ёрии методӣ, баланд бардоштани сифати таълиму тарбия, салоҳиятнокӣ, ҳуҷҷатнигорӣ, иҷрои барномаҳои таълимӣ, тақвият бахшидан дар таълими фанҳои табиатшиносӣ, дақиқ ва риёзӣ, ҷалби ҳарчи бештари хонандагон ба маҳфилҳои фаннӣ ва касбияти омӯзгорон ва рушди корҳои ободонӣ шуъбаи маорифи ноҳияи Восеъ дар муассисаҳои таълимӣ машварат гузаронида истодааст, хабар медиҳад мухбири минтақавии АМИТ «Ховар» Сулаймон ХОЛЗОДА.
Тавре сармутахассиси шуъбаи маорифи ноҳияи Восеъ Маҳмадулло Маҳмадиев иттилоъ дод, чунин машварат дар муассисаи таҳсилоти миёнаи умумии №20 баргузор гардид. Роҳбарияти шуъбаи маориф ва омӯзгорони муассисаҳои таълимии ноҳия аз тарзи ҳуҷҷатгузорӣ, тартиби рӯйхатҳо, дастурҳои методии вобаста ба фанҳои гуногун ва намоишгоҳи ҳунарҳои дастии омӯзгорону хонандагон дидан карданд.
Дар муассиса омӯзгорон дар 14 синфхона дарсҳои кушодро бо усули нави таълим ба роҳ монданд. Ҳангоми гузаронидани дарсҳо аз асбоби аёнӣ, адабиёти соҳавӣ ва техникаи муосири таълимӣ ба таври васеъ истифода бурда шуд. Зимни дарсҳо вобаста ба ихтисос омӯзгорон аз ҳамаи муассисаҳои таълимии ноҳия иштирок намуда, бо тарзи дарсгузарии омӯзгорон шинос шуданд. Роҳбарияти шуъбаи маориф низ дар дарсҳо ширкат варзида, бо омӯзгорону хонандагон суҳбат орост.
Дар ин муассиса вобаста ба эълон гардидани солҳои 2020-2040 Бистсолаи омӯзиши фанҳои табиатшиносӣ, дақиқ ва риёзӣ дар соҳаи илм ва маориф ба таълими фанҳои мазкур диққати ҷиддӣ дода мешавад. Роҳандозӣ гардидани чунин тадбирҳост, ки сифати таълиму тарбия беҳтар шуда, иштироки шогирдони ин муассиса дар озмуну олипиадаҳо афзоиш ёфтааст. Дарсҳои омодагии дифои ҳарбӣ дар саҳни муассиса гузаронида шуда, дар маҳфилҳои касбомӯзӣ қисмати зиёди хонандагони синфҳои болои ба омӯзиши дуредгарӣ ва ҳунарҳои мардумӣ машғул мебошанд. Маҳсулоти омодакардаи хонандагон гувоҳи он буд, ки маҳфилҳо дар сатҳи зарурӣ ба роҳ монда шудаанд.
Мудири шуъбаи маориф зимни ҷамъбасти машварат ба омӯзгорон баҳри боз ҳам беҳтар ба роҳ мондани раванди таълиму тарбия ва истифодаи васеи аёният ва техникаи муосири таълимӣ маслиҳатҳои муфид дод. Чунин чорабиниҳо дар дигар муассисаҳои таълимии ноҳия низ гузаронида мешаванд.
АКС: АМИТ «Ховар»
Хонандаи тоҷик дар мусобиқаи байналмилалӣ соҳиби медали тилло гардид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Дар Донишгоҳи давлатии Хоруғ Маркази омӯзиши ташаббусҳои глобалии Президенти Ҷумҳурии Тоҷикистон оид ба масъалаҳои обу иқлим ифтитоҳ ёфт
Саҳми донишманди барҷастаи тоҷик Абӯрайҳони Берунӣ дар инкишофи илму техника назаррас аст. Эҳдо ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф»
Президенти Тоҷикистон: «13 ҳазор нафар духтарони тоҷик дар давлатҳои хориҷӣ таҳсил менамоянд»
Дар Коллеҷи тиббии шаҳри Хуҷанд оид ба нақши Модар ҳамчун сарчашмаи зиндагӣ ҳамоиши идона доир шуд
Зиёда аз 14 ҳазор духтарон тибқи квотаи президентӣ муассисаҳои таҳсилоти олиро хатм намуда, ба нафъи давлату ҷомеа фаъолият доранд
Дар Кумитаи меъморӣ ва сохтмон оид ба арҷгузорӣ ба хизматҳои Зан-Модар ҳамоиши идона доир гардид
Дар Бохтар доир ба нақши технологияҳои рақамӣ дар воситаҳои ахбори омма конференсияи илмӣ-амалӣ баргузор гардид
Бахшида ба Рӯзи Модар дар Душанбе чорабинии сиёсӣ – фарҳангӣ таҳти унвони «Модар фариштаи меҳру шафқат» доир гардид
Гулнора Ҳоҷиева: «Барои ихтирои «Чордору» се сол пажуҳиш намудаам»
Дастовардҳои соҳаи сайёҳӣ ва хизматрасонии Тоҷикистон дар ITB BERLIN 2025 муаррифӣ гардиданд
