Муовини Вазири корҳои дохилии Русия аз мураккаб шудани вазъ дар шимоли Афғонистон хабар дод

Май 18, 2022 13:40

ДУШАНБЕ, 18.05.2022 /АМИТ «Ховар»/. Вазъият дар Афғонистон, алалхусус дар ноҳияҳои шимолии мамлакат мураккаб мешавад, ки ин боиси нигаронӣ мегардад. Тавре АМИТ «Ховар» бо истинод ба ТАСС хабар медиҳад, дар ин бора муовини вазири корҳои хориҷии Федератсияи Русия Андрей Руденко (ДАР АКС) дирӯз, 17 май зимни суханронӣ дар конференсияи II байналмилалии Осиёи Марказии Клуби мубоҳисавии «Валдай» изҳори назар намуд.

«Вақте мо дар бораи Осиёи Марказӣ ҳарф мезанем, <…> хатарҳои мавҷударо нодида гирифтан мумкин нест. Хавфҳо вуҷуд доранд, дар навбати аввал ба Афғонистон марбутанд, ки вазъ, мутаассифона, дар онҷо ҳанӯз ҳам ноустувор аст. Вақтҳои охир вазъият, бахусус дар манотиқи шимолии Афғонистон печидатар шудааст, ки боиси нигаронии шарикони мо, бахусус Тоҷикистон гардидааст», — гуфт ӯ.

Ҳамзамон муовини вазир зикр кард, ки Федератсияи Русия ба кишварҳои Осиёи Марказӣ тавассути СААД кумак мерасонад ва омодагии худро барои ҳамкории минбаъда бо кишварҳои минтақа изҳор медорад.

«Бо вуҷуди ин, мо омодаем минбаъд низ ҳамкориро бо ин кишварҳо идома диҳем, мо кумак мекунем, амнияти муштаракро таҳким мебахшем ва дар чаҳорчӯби СААД ёрӣ мерасонем. Мушкилот вуҷуд дорад, аммо дар айни замон мо омодаем, ки ин мушкилотро ҳал кунем”, — хулоса кард ӯ.

Ёдовар мешавем, ки қаблан Президенти Тоҷикистон Эмомалӣ Раҳмон даъват карда буданд, ки бояд таваҷҷуҳи кишварҳои узви Созмони Аҳдномаи амнияти дастҷамъӣ ба таҳдидҳои эҳтимолӣ равона гардад. “СААД бояд барои таҳияи сенарияҳои мухталиф дар марзҳои ҷанубӣ омода бошад»,-гуфтанд Пешвои миллат 16 май зимни суханронӣ дар нишасти сарони кишварҳои узви СААД дар Москва.

АКС: Лента.ру

Май 18, 2022 13:40

Хабарҳои дигари ин бахш

Дар Хоруғ гурӯҳи кории корманд-занони мақомоти ҳифзи ҳуқуқ ва сохторҳои таъмини амният дар Бадахшон қадрдонӣ шуд
Дар Хатлон марҳилаи якуми амалиёти «Нелегал-2022» идома дорад
Ҷаласаи навбатии Шӯрои вазирони адлияи давлатҳои иштирокчии ИДМ дар Тоҷикистон доир мешавад
Музаффар Ашуриён бо Вазири адлияи Русия Константин Чуйченко мулоқот намуд
КӢ ХОДИМИ ДИН ШУДА НАМЕТАВОНАД. Парлумони Тоҷикистон ба қонун дар бораи озодии виҷдон ва иттиҳодияҳои динӣ тағйирот ворид намуд
АМАЛИЁТИ «КОРД». Дар Душанбе фурӯшандагони силоҳи сард дастгир гардиданд
Бо мақсади баланд бардоштани маърифати ҳуқуқии афсарон ҳамоиши методӣ-таълимӣ баргузор гардид
ДАР АФҒОНИСТОН БОЗ МУСИБАТ. Бар асари заминларза беш аз ҳазор нафар ба ҳалокат расиданд, СММ аз ҷомеаи ҷаҳонӣ даъват кард, ки дар робита ба фоҷеа ба ин кишвар кумак намоянд
Қонуни Ҷумҳурии Тоҷикистон «Дар бораи истеҳсолоти иҷро» дар таҳрири нав таҳия гардид
ДАР АФҒОНИСТОН ЗАМИНЛАРЗАИ ШАДИД РУХ ДОД. 280 нафар ба ҳалокат расида, беш аз 600 кас ҷароҳат бардоштанд
КОРВОНИ ЗИДДИМУХАДДИРОТӢ — 2022. Таҳти ин унвон дар як қатор шаҳрҳои Тоҷикистон чорабиниҳои фарҳангӣ-фароғатӣ ва варзишӣ гузаронида мешаванд
Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид