Мутахассисони соҳаи нассоҷӣ ва дӯзандагии Тоҷикистон донишашонро доир ба меъёрҳои байналмилалии рушди саноат такмил доданд
ДУШАНБЕ, 31.05.2022 /АМИТ «Ховар»/. Қариб 65 нафар мутахассисон аз ширкатҳои нассоҷӣ ва дӯзандагии Тоҷикистон, ширкатҳои хизматрасони соҳа ва ниҳодҳои марбутаи давлатӣ зимни давраҳои омӯзишӣ, ки дар шаҳрҳои Душанбе, Бохтар ва Хуҷанд доир гардиданд, дониши худро доир ба меъёрҳои байналмилалии рушди устувори саноати нассоҷӣ ва дӯзандагӣ такмил доданд, хабар медиҳад АМИТ «Ховар» бо истинод ба Маркази байналмилалии тиҷорат.
Ибтикори мазкур муштаракан аз ҷониби Барномаи ҷаҳонии нассоҷӣ ва дӯзандагии Маркази байналмилалии тиҷорат (ITC) ва шарикони рушд гузаронида шуд.
Дар давраҳои омӯзишӣ зикр гардид, ки мутобиқат ба меъёрҳои байналмилалии рушди устувор барои ҳар ширкати нассоҷӣ ва дӯзандагӣ, ки маҳсулоти худро ба бозорҳои бонуфуз содир кардан мехоҳад, муҳим аст. Барои ноил гаштан ба ин ҳадаф ширкатҳо бояд кафолат диҳанд, ки маҳсулоти онҳо ба якчанд талабот мувофиқ мебошанд. Ин талабот, аз ҷумла, ба бехатарии истеъмолкунандагон, ҳифзи муҳити зист ва некӯаҳволии кормандон рабт доранд.
Дар давраҳои омӯзишӣ мутахассисони ширкатҳо имконият пайдо карданд, ки бо навъҳои гувоҳномаҳои байналмилалӣ дар соҳаи нассоҷӣ ва аҳамияти онҳо, қоидаҳои мутобиқат ба талаботи дарёфти гувоҳнома, марҳилаҳои дарёфти гувоҳнома, манфиатҳо ва бартариҳои гувоҳномаҳои байналмилалӣ ҷиҳати дастрасӣ ба бозорҳои гуногун, зарурат ва муҳимияти гирифтани гувоҳнома барои ширкатҳои соҳаи нассоҷӣ ва дӯзандагӣ дар Тоҷикистон маълумоти мукаммал пайдо намоянд.
АКС: Маркази байналмилалии тиҷорат
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
