Тоҷикистон алоқамандии худро барои баромадан ба бандарҳои обии Эрон барои ҳамлу нақли молу маҳсулот иброз дошт
ДУШАНБЕ, 31.05.2022 /АМИТ «Ховар»/. Тоҷикистон алоқамандии худро барои баромадан ба бандарҳои обии Эрон, ҳамчунин истифодаи имконоти бандарҳои Чобаҳор ва Бандар-Аббос барои ҳамлу нақли молу маҳсулот иброз намуд. Дар ин бора Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 30 май дар нишасти матбуотӣ пас аз музокирот бо Раиси Ҷумҳурии Исломии Эрон Сайид Иброҳим Раисӣ дар Теҳрон изҳори назар намуданд.
Пешвои миллат Эмомалӣ Раҳмон таъкид карданд, ки «ҷониби Тоҷикистон аз тадбирҳои муштарак барои бунёди роҳҳои заминӣ, ки ду кишварро бо ҳам мепайванданд, истиқбол мекунад».
Ба ин мақсад Президенти Тоҷикистон Эмомалӣ Раҳмон оид ба тавсеаи ҳамкории иқтисодиву тиҷоратӣ, афзоиши табодули мол ва тамосҳои башарӣ, зарурати рушди зерсохтор ва пайвастани шабакаҳои нақлиётии ду кишвар изҳори назар намуданд.
Густариши ҳамкории иқтисодиву тиҷоратӣ, аз ҷумла такмили сохтори муомилоти тиҷоратии ду ҷониб ва талошҳои бештари ниҳодҳои соҳавӣ яке аз самтҳои муҳим мебошад.
«Дар соҳаҳои тиҷорат ва сармоягузорӣ бештар фаъол гардидани тамосу робитаҳои бахши хусусӣ ва соҳибкорони ду кишвар мувофиқи мақсад дониста мешавад , — гуфт Пешвои миллат Эмомалӣ Раҳмон. — Ҷониби Тоҷикистон баргузории намоишгоҳҳои молу маҳсулот ва ҳамоишҳои доираҳои соҳибкорӣ дар қаламрави ҳамдигарро дар роҳи дастрасӣ ба ин ҳадафҳо муассир ҳисобид».
Зикр гардид, ки роҳандозии ҳамкории густурда миёни минтақаҳои озоди иқтисодӣ ва шаҳракҳои саноатии ду кишвар, робитаҳо байни минтақаҳо ва вилоятҳои Тоҷикистону Эрон метавонанд аз соҳаҳои дигари ояндадор шаванд ва ба нафъи ҳарду ҷониб бошад.
Дар ин самт нақши Комиссияи муштараки ҳамкории тиҷоратӣ, иқтисодӣ, техникӣ ва фарҳангӣ дар раванди баррасӣ ва таҳкими робитаҳои иқтисодиву тиҷоратӣ муҳим арзёбӣ гардид.
Ёдовар мешавем, ки 29-30 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон metformin-online.com расмӣ дар Ҷумҳурии Исломии Эрон қарор доштанд.
Дар доираи ин сафар Пешвои миллат Эмомалӣ Раҳмон бо Президенти Ҷумҳурии Исломии Эрон Сайид Иброҳим Раисӣ, Раҳбари Инқилоби Ҷумҳурии Исломии Эрон Оятуллоҳ Сайид Алӣ Хоманайӣ, Муовини аввали Президенти Ҷумҳурии Исломии Эрон Муҳаммад Мухбир ва Раиси Маҷлиси Шӯрои исломии Эрон Муҳаммад Боқири Қолибоф мулоқот намуданд.
Дар мулоқоту музокироти сатҳи олии Тоҷикистон ва Эрон аз сатҳи муносибатҳои дӯстию ҳамкорӣ, аз ҷумла идомаи муколамаи созандаи сиёсии миёни ду кишвар дар сатҳи олӣ изҳори қаноатмандӣ карда шуд.
Таъкид гардид, ки таҳкиму тавсеаи муносибатҳои ҳамкорӣ бо Эрон аз оғози даврони соҳибистиқлолӣ мавриди таваҷҷуҳи хоссаи сиёсати хориҷии Тоҷикистон қарор дорад. Дар ин раванд тақвияти муколамаи созандаи сиёсӣ миёни ду давлат дар асоси ҳусни тафоҳуму эътимод ва бо арҷгузорӣ ба арзишҳои муштараки таърихӣ, инчунин тавсеаи ҳамкории судманди миёни кишварҳо зарур шуморида шуд.
АКС: Хадамоти матбуоти Президенти ҶТ/АМИТ «Ховар»
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
