Бонки Осиёии Рушд гузаргоҳҳои асосии сарҳадии Тоҷикистонро бо таҷҳизоти муосир муҷаҳҳаз мегардонад
ДУШАНБЕ, 23.06.2022/АМИТ «Ховар»/. Масъалаҳои марбут ба таҷдиди сохтмони иншоот ва таҷҳизонидани гузаргоҳҳои асосии сарҳадии кишвар бо таҷҳизоти муосири техникӣ дар мулоқоти маҷозии муовини якуми Сардори Хадамоти гумруки назди Ҳукумати Ҷумҳурии Тоҷикистон Азим Турсунзода бо намояндагони Бонки Осиёии Рушд баррасӣ гардид, хабар медиҳад АМИТ «Ховар» бо истинод ба мақомоти гумруки кишвар.
Азим Турсунзода зикр намуд, ки Ҷумҳурии Тоҷикистон дар маҷмӯъ бо аксари кишварҳои аъзои Ҳамкории иқтисодии минтақавии Осиёи Марказӣ дар савдои хориҷӣ тамоюли мусбат мушоҳида карда мешавад. Аз ҷумла, бо Ҷумҳурии Узбекистон савдои хориҷӣ 21 маротиб афзуд.
Амалишавии Лоиҳаи «Ҳамкории иқтисодии минтақавии Осиёи Марказӣ оид ба беҳтар намудани хадамоти наздисарҳадӣ» тибқи Созишномаи грантӣ байни Ҳукумати Ҷумҳурии Тоҷикистон ва Бонки Осиёии Рушд 24 апрели соли 2013 ба имзо расида буд. Ҳадаф ва вазифаҳои Лоиҳа – ноил гардидан ба фаъолияти пешрафта, пешгӯишаванда ва манфиатноку сарфакоронаи байнисарҳадии нақлиётию тиҷоратӣ дар давлатҳои аъзои ҳамкории иқтисодии минтақавии Осиёи Марказӣ мебошад.
Лоиҳаи «Ҳамкории иқтисодии минтақавии Осиёи Марказӣ оид ба беҳтар намудани хадамоти наздисарҳадӣ», ки аз ҷониби Бонки Осиёии Рушд маблағгузорӣ гардида буд, 31 декабри соли 2021 пурра ба анҷом расид.
Таъсиси низоми «Равзанаи ягона миллӣ» барои ислоҳоти рушди иқтисодиёти рақамии кишвар аҳамияти хоса дошта, низоми мазкур бо мақсади соддагардонии бақайдгирии расмиёти содироту воридот ва транзит таҳия гардида, тибқи Қарори Ҳукумати Ҷумҳурии Тоҷикистон аз 24 июли соли 2021 бо иштироки 11 вазорату идораҳои давлатии Ҷумҳурии Тоҷикистон аз 1 сентябри соли 2020 расман мавриди истифода қарор гирифт.
Ҳамчунин дар вохӯрии маҷозӣ дигар масъалаҳои тавсеаи ҳамкорӣ байни Хадамоти гумруки Тоҷикистон ва Бонки Осёии Рушд баррасӣ гардиданд.
АКС: Хадамоти гумруки назди Ҳукумати Ҷумҳурии Тоҷикистон
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
