Дар доираи сафари Президенти Тоҷикистон ба Узбекистон Ёддошти тафоҳум миёни АМИТ «Ховар» ва АИ «Дунё» ба имзо расид
ДУШАНБЕ, 03.06.2022 /НИАТ «Ховар»/. Дар доираи сафари расмии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Узбекистон 2 июни соли равон дар Кохи президенти ин кишвар «Куксарой» дар Тошканд Ёддошти тафоҳум оид ба ҳамкорӣ миёни Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон (АМИТ «Ховар») ва Агентии иттилоотии (АИ) «Дунё»-и Вазорати корҳои хориҷии Ҷумҳурии Узбекистон ба имзо расид.
Санади ҳамкориро Директори АМИТ «Ховар» Саидалӣ Сиддиқ ва Директори АИ «Дунё» Садриддин Суяров имзо карданд. Ёддошти тафоҳум ба мақсади тавсеа бахшидани ҳамкории барои ҳарду ҷониб судманд, табодули ройгони иттилооти дақиқ ва қобили эътимод, инъикоси расму русуми ду халқи бародар ва тарғибу ташвиқи имкониятҳои сайёҳӣ ва ҳамкории иқтисодии Тоҷикистон ва Узбекистон таҳия ва тасвиб гардид.
Мутобиқи сади имзошуда агентиҳои иттилоотии ду кишвар роҷеъ ба рӯйдодҳои муҳими ҳаёти дохилӣ ва хориҷии Тоҷикистон ва Узбекистон ба забонҳои тоҷикӣ, узбекӣ ва руси ба ҳамдигар мавод пешниҳод намуда, ба хотири баланд бардоштани маҳорати касбии кормандон табодули таҷриба ва сафарҳои омӯзишӣ ба роҳ мемонанд.
Хотиррасон мешавем, ки дар доираи саммити сатҳи олии Тоҷикистон ва Узбекистон дар шаҳри Тошканд 15 санади байниҳукуматӣ ва байниидоравии нав оид ба ҳамкорӣ ба имзо расиданд, ки муҳимтарини онҳо Эъломия оид ба таҳкими дӯстии абадӣ ва ҳампаймонӣ байни Ҷумҳурии Тоҷикистон ва Ҷумҳурии Узбекистон мебошад.
Тавре қаблан иттилоъ дода будем, дар маҷмуъ дар доираи сафари расмии Президенти Ҷумҳурии Тоҷикистон ба шумули натиҷаҳои Форуми тиҷоратию иқтисодии ду кишвар, ки1 июнь дар Тошканд баргузор гардид, лоиҳаҳои сармоявию иқтисодӣ ба маблағи беш аз 1 миллиард доллари ИМА мавриди татбиқ қарор хоҳанд гирифт.
АКС: Хадамоти матбуоти Президенти ҶТ/АМИТ «Ховар»
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
