Дар Муъминобод лагери беруназшаҳрии «Шарора» аз нав фаъол мешавад

Июнь 17, 2022 09:08

ДУШАНБЕ, 17.06.2022 /АМИТ «Ховар»/. Баъд аз таваққуфи дусола  лагери беруназшаҳрии «Шарора»,  воқеъ дар ноҳияи Муъминобод, ки ба шуъбаи маорифи шаҳри Кӯлоб тааллуқ дорад,  аз нав  ба фаъолият шурўъ мекунад.  Дар ин бора мухбири минтақавии АМИТ «Ховар» хабар медиҳад.

Лагери беруназшаҳрии «Шарора» дар яке аз мавзеъҳои хушманзараи ноҳияи Муъминобод ҷойгир буда,  ҳамасола дар таътили тобистона дар ин макони истироҳатӣ  даҳҳо нафар мактаббачагон ба фароғат фаро гирифта мешаванд.

Бояд гуфт, ки  лагери мазкур  бо сабабҳои гуногун  аз фаъолият боз монда буд ва Мақомоти иҷроияи ҳокимияти давлатии шаҳри Кӯлоб вобаста ба дастури роҳбарияти олии кишвар барои таъмиру тармим ва аз нав фаъол намудани он чораандешӣ намудааст.

Ба иттилои раёсати молияи шаҳр, Мақомоти иҷроияи ҳокимияти давлатии шаҳри Кӯлоб барои таъмир аз ҳисоби буҷа маблағи 219 ҳазор сомонӣ ҷудо кардааст.

Ҳоло таъмири аксар иншооти лагер анҷом ёфта,  рўзҳои наздик корҳои рангуборкунӣ низ ба итмом мерасад.

Тавре намояндаи шуъбаи маорифи шаҳри Кӯлоб Маҳмадулло Шарифов иттилоъ дод,  дар лагери мазкур дар як баст 130 нафар хонандагон ба истироҳат фаро гирифта мешаванд. Барои онҳо се вақт хӯрок, ҷои хоб, сайругашт дар мавзеъҳои таърихӣ, машғулиятҳои компютерӣ, бозиҳои варзишӣ,  аз қабили футболу волейбол, баскетболу тенниси рӯи миз ва дигар шароитҳо фароҳам оварда мешавад.

Дар таътили тобистона имкони ташкили се баст даст медиҳад, ки шумораи истироҳаткунандагон ба 400 нафар мерасад. Имсол шуъбаи маориф тасмим дорад, ки бо дастгирии Мақомоти иҷроияи ҳокимияти давлатӣ ва иттифоқҳои касаба дар лагери шарора хонадагонро дар се баст ба истироҳат фаро гирад.

АКС аз муаллиф

Июнь 17, 2022 09:08

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд