МАРКАЗИ МИЛЛИИ ТЕСТӢ: Имсол барои баргузории Имтиҳонҳои марказонидаи дохилшавӣ 1900 нафар кормандони муваққатӣ ҷалб мегарданд

Июнь 8, 2022 09:15

ДУШАНБЕ, 08.06.2022. /АМИТ «Ховар»/. 6 июн Маркази миллии тестии назди Президенти Ҷумҳурии Тоҷикистон  барои кормандони муваққатии маркази имтиҳонӣ: роҳбар, ёвари роҳбар, маъмури калон, маъмур ва бақайдгирандаи маркази имтиҳонӣ дар шаҳру навоҳии  ҷумҳурӣ семинарҳои омӯзишӣ оғоз намуд, хабар доданд ба АМИТ «Ховар» дар ниҳоди мазкур.

Семинарҳои омӯзишӣ дар 18 шаҳру ноҳияи  мамлакат  то 16 июни соли равон  идома меёбанд. Семинар  барои ҳар як гурӯҳ ду рӯз давом карда, дар 25 макони баргузории он  2755 нафар хоҳишманд ширкат менамоянд. Шунавандагон баъд аз омӯзиши  донишу маҳорат ва талаботу принсипҳои муқарраршуда барои кор дар баргузории Имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон ба Маркази миллии тестӣ ҷалб мегарданд.  Аз байни онҳо зиёда аз 1900 нафар бо ин мақсад интихоб карда мешаванд.

Бояд гуфт, ки тибқи фармоиши Вазири маориф ва илми Ҷумҳурии Тоҷикистон дар 18 шаҳру ноҳияи ҷумҳурӣ 46 маркази имтиҳонӣ ташкил карда шуда, фаъолияти онҳо аз 1 июл оғоз мегардад.

Ёдовар мешавем, ки  аз 10 то 30 июни соли равон дар кишвар  марҳалаи иловагии бақайдгирии довталабон барои иштирок дар Имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2022 идома меёбад.


Хоҳишмандоне, ки дар марҳилаи асосии бақайдгирӣ (аз 1 март то 30 апрел) номнавис карда натавонистанд, метавонанд дар марҳалаи иловагии бақайдгирии довталабон барои иштирок дар имтиҳонҳои мазкур худро номнавис намоянд.

Марҳалаи иловагии бақайдгирии довталабон барои иштирок дар ИМД-2022, ки тибқи нақшаи қаблӣ танҳо дар шаҳри Душанбе бояд гузаронида мешуд, дар шаҳру ноҳияҳои дигари интихобшуда низ ба роҳ монда мешавад.

Шахсони хоҳишманди иштирок дар ИМД-2022 метавонанд барои номнависӣ ба яке аз нуқтаҳои бақайдгирӣ дар шаҳрҳои Душанбе, Хуҷанд, Панҷакент, Хоруғ, Бохтар, Кӯлоб ва ноҳияҳои Данғара ва Рашт бо пешниҳоди ҳуҷҷатҳои зарурӣ муроҷиат кунанд.

Довталабоне, ки дар марҳилаи иловагии бақайдгирӣ (аз 10 то 30 июн) худро номнавис мекунанду боз интихобҳои аввалаи худро иваз кардан мехоҳанд, имкон доранд барои ин кор худро аз нав сабти ном кунанд. Азнавбақайдгирии чунин довталабон ҳамзамон бо марҳилаи иловагии бақайдгирӣ ба роҳ монда мешавад ва чунин довталабон ба нуқтаи бақайдгирие бояд муроҷиат кунанд, ки худро қаблан дар он номнавис кардаанд.

АКС: Маркази миллии тестии назди Президенти Ҷумҳурии Тоҷикистон 

Июнь 8, 2022 09:15

Хабарҳои дигари ин бахш

ТАЪТИЛИ ТОБИСТОНА. Аз 12 июн то 4 август кӯдакону наврасони пойтахт ба истироҳатгоҳҳои тобистона фаро гирифта мешаванд
Пагоҳ даври дуюми бақайдгирии довталабон барои иштирок дар Имтиҳонҳои марказонидаи дохилшавӣ оғоз мегардад
Барои омода намудани кӯдак ба синфи якум чӣ бояд кард?
34 нафар аз Донишгоҳи техникии Тоҷикистон ба даври сеюми Озмуни ҷумҳуриявии «Илм фурӯғи маърифат» роҳхат гирифтанд
1 июл даври асосии Имтиҳонҳои марказонидаи дохилшавӣ оғоз мегардад
Дар Душанбе бо мақсади пешгирии ҳуқуқвайронкунӣ байни ноболиғон вохӯрӣ доир шуд
Хонандагони тоҷик дар Олимпиадаи байналмилалӣ аз фанни химия сазовори ду медал гардиданд
Хонандагони тоҷик дар Олимпиадаи байналмилалии FEMO сазовори 17 ҷойи ифтихорӣ шуданд
Дар Донишгоҳи давлатии Кӯлоб вобаста ба ташаббусҳои ҷаҳонии Президенти Тоҷикистон ҳамоиш доир шуд
Дар Душанбе оид ба тарбияи ватандӯстии шаҳрвандон ҳамоиш доир шуд
Дар шаҳри Париж ҷаласаи навбатии Шурои директорони Шарикии глобалӣ дар соҳаи маориф оғоз гардид
Дар Донишгоҳи технологии Тоҷикистон барои рушди саноати хӯрокворӣ лоиҳаи OFINU муаррифӣ гардид