ҶОМИ КФО. «Хуҷанд»-и Тоҷикистон бар дастаи «Копетдаг»-и Туркманистон ғолиб омад

Июнь 25, 2022 08:55

ДУШАНБЕ, 25.06.2022 /АМИТ «Ховар»/. Шоми дирӯз дар Варзишгоҳи ба номи Долон Омурзоқови шаҳри Бишкеки Ҷумҳурии Қирғизистон аввалин бозии гурӯҳии Ҷоми КФО миёни дастаҳои футболи «Хуҷанд»-и Тоҷикистон ва «Копетдаг»-и Туркманистон дар сатҳи баланд баргузор гардид. Дар ин бозии ҷолиб футболбозони шаҳри Хуҷанд ҳунар ва маҳорати хуб нишон дода, бар дастаи футболи «Копетдаг»-и Туркманистон бо ҳисоби 3:1 ғолиб омаданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Голҳои дастаҳои футболи «Хуҷанд»-и Тоҷикистон ва «Копетдаг»-и Туркманистонро дар ин бозии ҷолиб Далер Ёдгоров, 3 (0:1), Далер Ёдгоров, 7 (0:2), Бегенч Акмамедов, 58 (1:2) ва Тоҳир Маладустов, 85 (1:3) ба нишон расониданд.

Қобили зикр аст, ки беҳтарин бозингари вохӯрии мазкур Далер Ёдгоров аз дастаи футболи «Хуҷанд»-и Тоҷикистон интихоб шуд.

Мавриди зикр аст, ки дар гурӯҳи «F» ҷоизадори медали нуқраи чемпионати Тоҷикистон дастаи футболи «Хуҷанд»-и шаҳри Хуҷанд барои роҳхати ягонаи даври баъдӣ бо қаҳрамони Қирғизистон дастаи «Дордой» ва барандаи Ҷоми Туркманистон дастаи футболи «Копетдаг» миёни ҳам рақобат мекунад. Ҳамаи бозиҳои ин гурӯҳро дар шаҳри Бишкеки Ҷумҳурии Қирғизистон баргузор мешаванд.

Ғолибони гурӯҳҳо дар марҳилаи финалии минтақавӣ вомехӯранд, ки барандаи он 100 ҳазор доллари ИМА ба даст меорад.

Ҷоми КФО- 2022

Минтақаи марказӣ

Гурӯҳи «F»

Иштирокчиён: «Хуҷанд» (Тоҷикистон ), «Дордой» (Қирғизистон), «Копетдаг» (Туркманистон).

Даври 1

24 июн (ҷумъа)

19:00 – «Копетдаг» (Туркманистон) – «Хуҷанд» (Тоҷикистон )-1:3

Даври 2

27 июн (душанбе)

19:00 – «Дордой» (Қирғизистон) – «Копетдаг» (Туркманистон)

Даври 3

30 июн (панҷшанбе)

19:00 —«Хуҷанд» (Тоҷикистон )– «Дордой» (Қирғизистон)

 Оғози бозиҳо ба вақти Душанбе аст.

АКС: Федератсияи футболи Тоҷикистон

Июнь 25, 2022 08:55

Хабарҳои дигари ин бахш

Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад