Қазоқистон ва Тоҷикистон созишнома доир ба пешниҳоди хизмати алоқаи кайҳонӣ ба имзо расониданд

Июль 19, 2022 10:14

ДУШАНБЕ, 19.07.2022 /АМИТ «Ховар»/. Ҷамъияти саҳомии «Маркази ҷумҳуриявии алоқаи кайҳонӣ» (МҶАК)-и Кумитаи аэрокайҳонии Вазорати рушди рақамӣ, инноватсия ва саноати аэрокайҳонии  Қазоқистон ва ҶДММ «Исател» (оператори алоқа дар Тоҷикистон) барои хизматрасонӣ оид ба пешниҳоди иқтидори транспондерии дастгоҳи кайҳонии «Кazsat-3» созишнома ба имзо расониданд. Тибқи  иттилои АМИТ «Ховар», дар ин бора АБИ «Казинформ» бо истинод ба хадамоти матбуоти Вазорати рушди рақамӣ ва саноати аэрокайҳонии Ҷумҳурии Қазоқистон хабар медиҳад.

Тибқи ин санад, тавассути захираҳои моҳвораи алоқаи Қазоқистон дар Тоҷикистон барои минтақаҳои душворгузари кишвар шабакаҳои иртиботӣ ташкил карда мешаванд. Созишномаро муовини раиси Кумитаи ҶС «МҶАК» Василий Леонов ва директори ҶДММ «Исател» Умед Тағоев имзо карданд (ДАР АКС).

Ширкати «Исател» корхонаи фаръии ҶСК «Телерадиоком» ва оператори алоқа дар ҳудуди Тоҷикистон мебошад. Он дар шаҳри Душанбе истгоҳи телепортӣ ва шабакавии худро дорад, ки дастрасӣ ба интернетро ҳам барои муассисаҳои давлатӣ ва ҳам ширкатҳои хусусӣ фароҳам меорад. Технологияҳои навтарин, ки дар кишварҳои мухталифи ҷаҳон бомуваффақият санҷида шудаанд, ҳоло дастраси муштариёни «Исател» дар Ҷумҳурии Тоҷикистон мебошанд.

АКС: АБИ «Казинформ» / АМИТ «Ховар»

Июль 19, 2022 10:14

Хабарҳои дигари ин бахш

Дар Сеул «Харитаи роҳ»-и амалишавии Низоми иҷозати шуғл барои Тоҷикистон баррасӣ гардид
Дурнамои муносибатҳои Тоҷикистон ва Арабистони Саудӣ баррасӣ шуд
Тоҷикистон ҳамкориро бо музофоти федеролии Бранденбурги Олмон фаъол менамояд
Масъалаи барқарор намудани парвозҳои ҳавоӣ дар масири Боку-Душанбе-Боку баррасӣ гардид
Директори Агентии миллии иттилоотии Тоҷикистон «Ховар» бо Сафири Озарбойҷон мулоқот намуд
Дар Донишгоҳи молиявии Русия зиёда аз 200 донишҷӯи тоҷик таҳсил менамояд
Дар Душанбе дурнамои густариши ҳамкорӣ байни Тоҷикистон ва Фаронса баррасӣ гардид
Баргузории ҷаласаи навбатии Комиссияи байниҳукуматии Тоҷикистон ва Туркия баррасӣ гардид
Соли 2024 байни Ҷумҳурии Тоҷикистон ва Давлати Қатар 9 санади нави ҳамкорӣ ба имзо расид
Муовини якуми Сарвазири мамлакат бо Сафири Арабистони Саудӣ дар Тоҷикистон мулоқот намуд
НИШАСТИ МАТБУОТӢ. Тоҷикистон ба баргузории Конфронси сеюми Душанбе омодагии ҷиддӣ мебинад
Дар Женева масъалаҳои тадорукотӣ оид ба таҷлили «Наврӯзи байналмилалӣ – 2024» баррасӣ шуданд